Home Hudicial 4 aña di prison pa homber cu a tira riba auto y...

4 aña di prison pa homber cu a tira riba auto y bala a bay dal den stuur di e chofer

93
0
SHARE
- Advertisement -

E ta culpable di intento di asesinato

ORANJESTAD (AAN) – Ayera mainta sentencia a cay pa e homber J.A., kende a wordo haya culpable di a tira riba un auto den cual tabatin un pareha. E bala a pasa door di e bentana y bay dal den e stuur di e auto.

Apesar cu tin testigonan a bay Corte y bisa cu nan no a mira J.A. a tira, Hues no ta kere nan. Hues a condena J.A. na 4 aña di prison mas 151 dia cu J.A. tabatin condicional pendiente.

TIRA RIBA PAREHA DEN AUTO
Ayera mainta Hues a bisa cu e ta haya riba 11 Juni 2018, J.A. a tira cu un arma riba un auto cu a caba yega na un cas na Casibari. Den e auto e dama B. tabata na stuur y e homber B. sinta na banda. E bala a pasa door di e bentana di auto y bay pega den e stuur.

HUES NO A KERE TESTIGONAN
Hues a bisa cu e pregunta ta, kende a tira. Hues a bisa cu e no ta duda den declaracion di e pareha B. y e otro persona S.

Hues a mustra cu e homber B. a bisa cu el a mira J.A. cu un arma na man y a tira. Den Corte B. ta bisa cu e no a bisa asina y no sa kende a tira. Hues a bisa cu e no ta kere cu Polis ta bay traha un procesverbaal caminda e ta bay gaña.

Hues a sigui bisa cu e otro persona S. a bisa cu ta J.A. a tira y den Corte e ta bisa cu el a gaña na Polis. Hues tambe a mustra cu tin un bisiña cu a bisa cu el a tende tiro.

CASTIGO
Na opinion di Hues, no tin ningun indicacion cu lo tin un otro hende a tira. Tur hende sa cu si tira riba un auto su glas, e bala por alcanza un hende. Danki Dios esey no a sosode.

Hues ta haya J.A. culpable. Pa cu e castigo, Hues a bisa cu e ta tene cuenta cu J.A. a haci esaki den su tempo di prueba y tin delitonan cu J.A. a yega di haci den pasado. Hues a condena J.A. na 4 aña di prison y acerca e castigo condicional di 151 dia.

- Advertisement -

DUNA COMENTARIO

Please enter your comment!
Please enter your name here