Home Turismo y Hoteleria A reconoce prensa cu a sobresali pa e trabao pa Aruba den...

A reconoce prensa cu a sobresali pa e trabao pa Aruba den mercado Latinoamericano

24
0
SHARE
- Advertisement -

CEO di ATA, Ronella  Tjin-Asjoe-Croes

ORANJESTAD (AAN):  CEO di Aruba Tourism Authority (ATA) Ronella Tjin-Asjoe-Croes tabata presente diahuebs anochi pa e Aruba Press Awards cual tabata un evento meymey di conferencia anual di turismo pa Latinoamerica (CATA).

El a bisa cu esaki ta enfoca ariba e periodistanan latino cu a sobresali pa loke ta e trabao cu nan a desplega pa Aruba durante e ultimo añanan na e mercado Latinoamericano.

“Pues no tin miho momento pa duna nan un reconocimento cu nos ta cataloga como e ‘Aruba Press Awards’ durante di CATA 2019”, Tjin Asjoe-Croes a laga sa.

El a agrega cu tin diferente periodista di Chile, Colombia, Argentina y Venezuela. Nan ta esunnan cu di un poel di 80 participante a wordo selecciona.

E grupo di 80 a wordo evalua pa diferente experto den e area aki y for di esey a saca un grupo mas chikito. E comision a cambia y a agrega otro ehecutivonan di ATA y di e agencianan cu ta representa Aruba.

Ta un seleccion riguroso cu a tuma lugar pa por a scoge esunnan cu a destaca den diferente area: creatividad, investigacion, rating. Esaki a wordo haci den radio, television, medionan impreso y digital.

“Nos ta hopi contento di por reconoce e poder di periodismo tambe den e mercado di Latinoamerica y mas cu claro nos no por laga afo nos forza local. Nos socionan den prensa local cu nos ta haya ta oportuno pa nan tambe presencia esaki.

Y sigur tambe nos ta agradecido na boso pa e labor cu ta wordo haci, pasobra sin boso nos no por yega na e comunidad tampoco y turismo mester wordo carga pa un y tur pasobra turismo ta algo di un y tur”, e CEO di ATA a manifesta.

Banda di esaki, Seidy Feliciana, Communications Manager di ATA a indica cu esaki tabata un anochi hopi ameno y a laga sa cu esaki tabata un competencia cu ATA a organiza den 2018, di augustus pa december unda nan a pidi periodistanan inscribi pa un competencia cu kier a haci.

E obhetivo di esaki tabata pa nan por a trece un otro perspectiva di con nan ta wak Aruba como Periodismo di Turismo. Tabata hopi interesante pa wak con otro hende ta wak e isla, Feliciana a señala.

A toca temanan manera aloe, wellness, Padu, entre otro. A logra trece e periodistanan aki Aruba y a duna nan nan premio. Esaki ta algo cu ATA kier sigui haci cada pasa un aña, Seidy Feliciana a duna di conoce.

- Advertisement -

DUNA COMENTARIO

Please enter your comment!
Please enter your name here