Home Hudicial Abogado David Kock a retira e caso encuanto Asilo pa Venezolanonan

Abogado David Kock a retira e caso encuanto Asilo pa Venezolanonan

1043
1
SHARE
— Abogado mr. David Kock.
- Advertisement -

ORANJESTAD (AAN): E siman aki ora cu a bira conoci cu un abogado local ta bayendo Corte pa exigi un trato acelera pa Asilo Politico pa un grupo di Venezolano cu a yega riba e cay (rif) dilanti Refineria di Citgo na San Nicolas, por a scucha comentarionan fuerte den comunidad.  Esey ta referi na e hecho cu ta exigiendo di Gobiernonan, pa e stranheronan aki haya yudanza pa e.o. cas, scol pa nan yiunan, y bijstand.

Algun hende hasta tabata puntra nan mes, unda e Abogado a haya placa pa defende e stranheronan aki.

E caso a wordo programa pa tuma lugar Diabierna.  Sinembargo riba Diaranzon a haya un sorpresa.

E caso relaciona cu Asilo, entabla door di abogado mr. David Kock a wordo retracta dor di e representantenan mes.  Abogado a haci esey den nomber di su clientenan.

Un caso sumario cu a causa basta conmocion y hasta disgusto den comunidad, principalmente riba social media.  E reaccionnan a bin specialmente den cuadro di cierto demandanan di un grupo di persona cu a pidi asilo, a wordo retracta pa sr. David Kock y pues no lo bay door diaberna awor.

E caso ta uno peculiar ya cu a bin resulta cu ningun di e personanan no ta cumpli cu e exigencia di e tratado. Ta trata di personanan di cual a wordo constata cu nan ta ilegal riba Aruba y ta despues nan a core solicita pa asilo. Pues tabata hopi curioso cu e personanan aki a dicidi di entama un caso di e indole ey.

Pero ya, e caso a wordo cancela.

- Advertisement -

1 COMMENT

  1. Bon dia no tin placa ni pa rubia o corda pa Venezuela ta con e ley hulandes ta asina kens nan mester cambia e ley di pica piedra cu nan tin ley biew

DUNA COMENTARIO

Please enter your comment!
Please enter your name here