Home Cultura Apertura “Caribbean Ties” Aruba ta bay ta riba 22 di Mei na...

Apertura “Caribbean Ties” Aruba ta bay ta riba 22 di Mei na Museo Arqueologico

55
0
SHARE
- Advertisement -

ORANJESTAD(AAN): Riba Diaranzon 22 di Mei ta bay tuma lugar apertura di e exposicion internacional “Caribbean Ties” Aruba.

Durante un conferencia di prensa Diamars Lider di e proyecto Caribbea Ties Suzette Boekhoudt den nomber di Museo Arqueologico, Fundacion 1403, NEXUS1492 y Ministerio di Cultura tin a hasi un invitacion na un y tur pa e apertura riba 22 di Mei, cu ta bay ta na Museo Arqueologico cuminzando 6.30 di atardi.

El a splica cu dia 4 di Mei a habri e prome exposicion internacional di “Caribbean Ties” na Republica Dominicana, y ta sigui habri e exposicion aki na diferente isla den Caribe durante e luna di Mei.

E exposicion Caribbean Ties ta un colaboracion entre e proyecto NEXUS 1492 y diferente instancia di diferente pais den region Caribe, como tambe cu museonan na Hulanda.

Segun Boekhoudt, e proyecto di investigacion importante NEXUS 1942 cu Universdidad di Leiden a haci cu diferente instancia den paisnan den Caribe, di cual entre otro NAMA di Aruba, a haya e oportunidad unico pa haci investigacionnan profundo, cu profesionalnan den diferente ramo di experticio y a duna e accesibilidad na metodonan di investigacion cu normalmente ta fuera di alcance di Aruba.  E proyecto di NEXUS 1492 tabata dirigi riba e historia indigena di e paisnan Caribense aki di e periodo prome cu Columbus pa asina por conta e historia Amerindio for di punto di bista di e hendenan indigena y no manera cu nos conoce for di buki di historia skirbi for di punto di bista di e Europeanonan.

“For di e investigacionnan aki a sali hopi informacionnan y a nace e idea pa bin cu un exposicion internacional temporal cu lo habri e aña aki den e luna di Mei rond di e fecha di Dia Internacional di Museo, cual ta 18 di Mei, na diferente pais den Caribe cu a participa den e proyecto NEXUS 1492,  pa asina mustra publico algun di e resultadonan di e investigacionnan aki, y subraya tambe tur e similaridadnan cu tin den Caribe cu ta un resultado di nos herencia comparti (‘shared heritage’)”.

“Pues e idea pa “Caribbean Ties/ Lasonan Caribense” a nace y ta birando un realidad”, segun lider di e proyecto.

NAMA y F1403 ya for di hopi aña tabata tin un idea pa bin cu un asina yama ‘traveling exhibit’ temporal den Caribe cu e mesun enfoke y na aña 2012 a organiza un ‘Think Tank’ hopi exitoso na cual diferente partner den e region di Caribe a participa y a brainstorm hunto pa ideanan con un exposicion asina lo mester ta hinca den otro y con e lo por funciona pa diferente pais den Caribe. ‘Lord Cultural Resources’  a guia esaki y a produci un rapport cu e resultadonan di e Think Tank aki, pues NEXUS 1492 un uni forsa cu NAMA y F1403 y entre otro e rapport aki a yuda pa yega na un concepto pa e exposicion “Caribbean Ties/ Lasonan Caribense”.

- Advertisement -

DUNA COMENTARIO

Please enter your comment!
Please enter your name here