Home General Ariba tereno priva a pone container y ta tira sushi di forma...

Ariba tereno priva a pone container y ta tira sushi di forma ilegal

293
0
SHARE
- Advertisement -

Bureau City Inspector den intermediacion

 

ORANJESTAD (AAN):  Vocero di Bureau City Inspector, Roby Rossel  a duna di conoce cu nan ta hopi contento despues cu nan a haya e noticia cu un grupo di polis cu tabata bezig den un opleiding, a dicidi cu nan ta bay yuda haci algun lugar limpi.

Nan a scoge e dump na Sabana Basora cu BCI tin basta dia trahando ariba dje mirando cu esey ta un tereno priva unda cierto hendenan a yega tira desperdicionan.

Eynan por a mira un container cual ta para eynan clandestinamente ariba un tereno di otro persona. Ya caba ta solicitando su presencia eynan pa papia cune y pa e saca tur locual tin den e container, Rossel a indica.

BCI no ta haci wega cu e tipo di cosnan aki pa motibo cu tin cu mantene e bario limpi. E bario ta sufriendo di hopi sushedad y molester di bestia cu ta acerca nan casnan. Esaki ta treciendo hopi sushedad.

Eynan por mira e dump principal y unda tin sushedad di un compania cu ta trahando cu airconan y materialnan. Nan ta yega y ta deposita e material eynan siendo cu esaki no ta nan tereno.

Team di City Inspector a papia cu e doño di e tereno y el a bisa cu e no kier wak e container ey eyriba mas.  Tabata pendiente di e persona cu a pone e container pa kite for di e sitio.

Pero asina mes BCI a keda pendiente pa bay over pa uza un takel wagen pa kita e container y bay cune.

BCI hunto cu Cuerpo di Polis a kibra e candal pa asina por a wak kico tin den e container. Por a mira un cantidad di artefactornan di airco cu a wordo warda eyden di forma ilegal.

Tambe tin potretnan y pruebanan cu autonan tambe ta yega pa tira sushi rond. Tin un pickup blanco cu tin prueba di dje cu ta yega pa tira desperdicio y ta e auto 74749. BCI ta pendiente pa bay papia cu e persona aki, kende sigur lo bay ricibi un boet pisa di parti di Cuerpo Policial, Robby Rossel a remarca.

Pa loke ta e tereno, a bisa cu sigur e doño tin cu bay cera e tereno pero prome cu esey e tereno mester keda completamente limpi. E doño ta hopi disgusta ya cu dia pa dia tin mas sushedad. Pa evita mas problema, BCI ta deal cu e doño di e tereno como tambe cu e persona cu tin e container pa asina por trece e paz y evita un confrontacion.

- Advertisement -

DUNA COMENTARIO

Please enter your comment!
Please enter your name here