Home Deporte Aruba lo participa den weganan ParaPan Americano na Peru

Aruba lo participa den weganan ParaPan Americano na Peru

31
0
SHARE
- Advertisement -

ORANJESTAD (AAN) – Aruba Paralympic Committee (APC) ta trahando duro riba e desaroyo di deporte Paralimpico na Aruba. Na comienso di luna di Mei nan a manda coaches pa participa den workshops pa introduci e deportenan di Para-shooting y 5-aside football (futbol pa hendenan cu ta ciego). APC tambe a atende cursonan di Organizational Capacity di e Agitos Foundation na Miami na luna di Maart. Presidente di APC Sra. Shardea Croes a atende e workshop aki y a sa di duna bon papel. Shardea Croes tin un Masters den Adapted Physical Activity.

Door di Shara su educacion y e progreso rapido cu e International Paralympic Committee (IPC) ta wak den solamente 5 anda di existencia di APC, a invita Sra. Shardea Croes na nan oficina principal na Alemania pa reuni cu 12 managers di diferente departamentonan di IPC.

Esaki ta e prome biaha cu e IPC ta invita un presidente di un pais pa reuni den e forma aki cu nan managers. Den e reunionnan aki Sra. Shardea Croes por a duna su sugerencianan con IPC por yuda paisnan nobo y chikito cu nan desaroyo den e movecion Paralympico. E sugerencianan aki a encera cambionan di polisa y algun reglanan cu IPC ta rekeri tur pais cumpli cune. Despues di e reunionnan aki Sra. Shardea Croes a wordo stimula door di IPC pa ta un lider den Caribe y yuda otro paisnan manera Aruba progresa tambe.

Awor cu e movecion Paralimpico ta hayando momentum na Aruba, APC ta sigur cu e sosten cu e atletanan Paralimpico lo haya di pueblo lo ta hasta mas. Pa fin di e aña aki Aruba lo participa den e weganan ParaPan Americano na Lima, Peru. Esaki lo ta prome biaha cu Aruba tin atletanan cu a cualifica pa e competencia aki. APC ta spera cu nos atletanan lo cualifica pa e weganan Paralimpico na Tokyo 2020 tambe.

- Advertisement -

DUNA COMENTARIO

Please enter your comment!
Please enter your name here