Home Turismo Aruba premia varios biaha durante premios IAB MIXX Colombia 2019

Aruba premia varios biaha durante premios IAB MIXX Colombia 2019

16
0
SHARE
- Advertisement -

Pa e campañanan ‘One Happy Day’ y ‘He Said Yes’

ORANJESTAD (AAN) – Den cuadro cu IAB MIXX Awards 2019, e festival di marketing & publicidad digital mas importante di Latino America, cual sin duda ta reconoce e miho campañanan y practicanan den e industria digital, Aruba Tourism Authority y su agencia pa Latino America, Mullen Lowe SSP3, a resalta entre e gran ganadornan.

Pa Aruba Tourism Authority e ta un gran honor pa ricibi e reconocementonan aki pa e campañanan ‘One Happy Day’ y ‘He Said Yes’.

Den e caso di e campaña ‘One Happy Day’, diferente socio a logra aumenta nan benta te cu 80% den cierto caso(nan) versus e mesun temporada na aña 2017.

Pa e campaña ‘He Said Yes’, a wordo reporta crecemento superior na 200%. Ambos campaña tabata tin un gran enfoke digital pa por yega na cada fase di e ‘Customer Journey’ pa cu e mercado Latino Americano.

Aruba a wordo premia como Anunciante Digital di Aña y e campaña ‘He Said Yes’ a bay cu e ‘Best In Show Award’, e premio maximo. E campaña ‘One Happy Day’ a obtene plata den e categoria di ‘Affiliate Marketing’, y un premio Oro den e categoria di Producto y Servicio.

Ambos campaña a keda desaroya y ehecuta por medio di e agencia regional di publicidad pa A.T.A. / Aruba, esta MullenLowe SSP3, cual a ricibi e premio di Agencia Digital di Aña.
IAB MIXX Awards ta e unico evento oficial den e industria di publicidad digital cu ta evalua tur aspecto clave di marketing interactivo, incluyendo e strategia, desaroyo creativo y tambe ehecucion, strategianan den medionan digital, integracion cu campañanan tradicional di comunicacion y e aporte significativo den e logro di e obhetivonan di marketing y comunicacion di un brand.

- Advertisement -

DUNA COMENTARIO

Please enter your comment!
Please enter your name here