Home General Awe ta ultimo dia pa Arubianonan vota pa Parlamento Europeo

Awe ta ultimo dia pa Arubianonan vota pa Parlamento Europeo

38
0
SHARE
- Advertisement -

ORANJESTAD (AAN): Awe Diahuebs 23 di Mei, ta ultimo dia pa esnan cu a registra, por deposita nan voto pa Parlamento Europeo.

Segun Partido AVP, e tabata un proceso caminda prome a tuma luga registracion, comunidad cu tin nacionalidad Hulandes a yena formulario pa forma parti di e eleccion aki. Esaki a tuma luga te cu dia 11 di April. Durante e periodo aki  a duna comunidad tur informacion necesario, como tambe asistencia na esnan cu tabata interesa pa vota.

Un periodo un poco mas intenso, caminda tabatin hopi trabao pa haci, pa informa comunidad. Segun AVP, henter e sistema di registracion e biaha aki tabata uno hopi mas complica, mester a subi un website, download un cantidad di documento pa despues yena y upload esakinan a trece cu ne su retonan. Por a mira cu hopi hende cu e retonan aki a opta pa acepta e asistencia / yudansa cu Plataforma Hobennan Profesional a ofrece. No solamente na Cas di Partido AVP esaki a tuma luga , pero tur rond di Aruba caminda cu registracion a tuma luga.

Votadonan a yega pa deposita nan voto y tambe mira e proceso completo.  Partido AVP tabata presente na VNO pa gradici e hobennan di Plataforma Profesional pa e trabao, mayoria tabata presente pa asesora esnan cu tey y sigur di su banda e ta masha contento cu e interes grandi di parti hobennan pa yuda ciudadanonan eherce e derechonan cu nan tin.

Plataforma Profesional no solamente na VNO pero tur diasabra na Cas di Partido AVP na Playa ta asisti e comunidad, como studiantenan di Ley ta pone den practica e derechonan cu nan ta yuda asesora door di esnan cu conoce ley. No solamente den e proceso aki nos por a mira con e Plataforma a yuda pero tur diasabra na Cas di Partido.

Lo ta algo cu nos kier mira den futuro caminda hobennan cu interes y mira e importancia di forma parti di organizacionan cu ta di influencia ariba e desaroyo general di nos pais.

Un recordatorio ta bay na e comunidad cu e registra cu ainda no a vota, mayan ta e ultimo dia te cu 3or di atardi pa por yega y vota, despues di votacion lo cuminsa un otro lucha pa bay simplifica e forma di deposita bo voto.

Como organizacion politico, Mike Eman y Benny Sevinger y defunto Mito Croes a para na cuna pa realisa e derecho di voto aki pa ciudadanonan no solamente na Aruba pero como tambe na Corsou, Sint Maarten y prome cu 2010 pa ciudadanonan di Boneiro, Saba y Sint Eustasius tambe y awo kier hacie realmente accesibel cu por djis bay urna pa por vota.

Nos lo keda en espera pa mira nan final cuanto ta esnan cu a vota. Partido AVP a yuda algun cien persona pa registra pero e ta keda pa mira cuanto a tuma e iniciativa nan mes y registra.

- Advertisement -

DUNA COMENTARIO

Please enter your comment!
Please enter your name here