Home arte y espectaculo Awe ta ultimo dia pa inscribi den Festival dedica na Mama di...

Awe ta ultimo dia pa inscribi den Festival dedica na Mama di Cultura Bernadina Growell

9
0
SHARE
- Advertisement -

ORANJESTAD (AAN): Manera DIARIO a trece dilanti caba recien, miembronan di fundacion Bernadina Growell-Kock a anuncia e di 7 edicion di e Festival dedica na mama di Cultura Bernadina Growell-Kock.

Mervin Ras ta trece padilanti cu e festival lo tuma lugar dia 8 di juni venidero anochi di 7-12 or den Centro di Bario Brazil. Ya tin mas menos 20 inskripcion. Lo tin 7 grupo tipico cu lo acompanja e cantantenan. Por inskribi ainda awe Diamars 14 di Mei cerca miembronnan di e fundacion Lena na 565-1145 of tambe Presley na 733-6007.

Fundacion Bernadina Growell-Kock ta invita tur banda/tipico y cantantenan pa un segundo reunion informativo den Centro di Bario Brazil diamars anochi dia 14 di mei di 7.30 – 9.00 or.

Esan cu kier inskribi por haci esaki ainda durante e anochi. Meta di e festival ta pa duna sosten nan desaroyo di nos cultura y pa contribui na concientisacion di nos comunidad pa loke ta trata Mama di Cultura y su gran contribucion na nos folklore, cultura y arte. E fundacion a yega di organiza diferente acitividad y a coloca un relieve na Paseo Herencia.

Na varios ocasion ta expone e cas pa tur hende por bishit’e. Mervin ta invita un y tur pa bin presencia e grandioso festival aki y ta gradici pa e aporte cu ta ricibi di publico y sosten y presencia di prensa. Persey Jeandor a splica tocante e forma di e festival y cual ta reglanan. Ta trata di cancionnan tipico, na papiamento. E ritmo mester ta local, p.e. wals, danza, mazurka, tumba y foxtrot. Mester ta na tempo pa training y festival, trahe mester ta cultural. Etc.

Lena a informa encuanto inskripcion. Sr. Chico Harms a trece padilanti cu den lunanan venidero banda di e festival lo prepara pa eleccion di baby, damita, dama y dama grandi cultural pa nan por guia e parada cultural cu lo tuma lugar den september venidero.

Señora Lucia Thiel, subrina di Bernadina a expresa con bon e ta sinti pa participa na e festival. E ta e promer dama cultural si Brazil y ta contento cu e sosten di un cantidad di persona pa cu e festival.

- Advertisement -

DUNA COMENTARIO

Please enter your comment!
Please enter your name here