Home Editorial Berdad tabata e reto periodistico y democratico di Citgo

Berdad tabata e reto periodistico y democratico di Citgo

79
0
SHARE
- Advertisement -

Awe na momento cu e Ministro Presidente di Aruba, mr. Evelyna Wever-Croes a presenta den Parlamento y asina oficialmente dilanti pueblo di Aruba, un di e retonan periodistico mas grandi di DIARIO, ta haya su culminacion.

Pa DIARIO por a cumpli cu su tarea pa informa Aruba debidamente riba loke a bira un situacion economico y financiero unico den nos historia, e mester a informa pueblo di Aruba riba tur loke e proyecto pa rehabilitacion di refineria tabata contene.

Nos mester a bay contra di e imagen glorioso cu a wordo presenta di Citgo como salbacion economico y financiero di Aruba, y paso a paso hiba pueblo di Aruba na e gran realidad cu no solamente mester bandona e acuerdo actual pero cu mester tene cuenta cu e desaroyonan serio cu e proyecto lo tin pa Aruba.

Pa splica Aruba kico tabata robes cu Citgo, DIARIO mester a repasa tur documento oficial disponibel cu tabata presente y analisa tur informacion local y internacional riba e proyecto.

E problema di mas grandi tabata cu na 2018 Parlamento oficialmente a ricibi e acuerdo di Citgo cu for di 2016 a keda un secreto pa Aruba, pasobra gobierno anterior a kibra ley y no a permiti Parlamento studia e proyecto manera ley ta exigi y asina a stroba Aruba di haya bista completo di contenido di e acuerdo.

Cu determinacion cu solamente berdad por sirbi interes di Aruba, DIARIO a prepara Aruba cu e por bira parti di confrontacion internacional a base di e circunstancianan na Venezuela.

Mientras DIARIO a presenta na Aruba documentonan oficial cu Aruba den e situacion di fiesta pa Citgo cu el a wordo hinca aden na 2016 no a haya oportunidad di analisa debidamente, e situacion internacional a culmina den presentacion di e berdad di Citgo.

A bira necesario pa presenta pruebanan internacional na Aruba pa asina nos pueblo realisa e magnitud di e peliger economico, financiero y hasta di siguridad nacional cu e acuerdo Citgo a encera pa Aruba. Pruebanan mester e imagen falso di e proyecto presenta na Aruba, cu a ricibi tur prueba internacional.

Ayera Aruba a conoce e momento cu Minister Presidente Wever-Croes a duna tur detaye di su reunionnan na Merca y e trabounan cu mester haci pa mira kico por haci cu e proyecto.

E proyecto Citgo sigur lo drenta historia di Aruba, pero no na e forma cu Aruba a pensa na 2016.

Desaroyo importante ta spera Aruba cu awe ta conoce un escenario completamente diferente di loke el a spera di e proyecto.

Den e dolor di e lucha cu ta yega na un culminacion mundial na Venezuela, e berdad di Citgo ta wordo presenta na Aruba cu nos a prepara pa e momentonan aki.

Democracia a prevalece na Aruba cu na un forma democratico ta wordo informa dor di su lider den gobierno den e sala di Parlamento cu Aruba a eligi den eleccion como su representacion.

Ta nos deseo pa e spirito di berdad, democracia y union Arubano duna nos e animo pa na e momentonan crucial den nos historia nos mantene fe y hunto traha riba un futuro pa Aruba den un region y mundo di stabilidad y husticia.

- Advertisement -

DUNA COMENTARIO

Please enter your comment!
Please enter your name here