Home Actividad Especial Bestial Pet House ta lanza e producto “Bright Mind”

Bestial Pet House ta lanza e producto “Bright Mind”

100
0
SHARE
- Advertisement -

ORANJESTAD (AAN) – E propietario di Bestial Pet House, Shohaira Barnes- Da Silva, y ken a trece Pro Plan siete aña pasa riba mercado di Aruba, a caba di lanza un producto nobo yama “Bright Mind”.

Den e presentacion di  producto, Shohaira a duna di conoce cu e producto aki ta special pa cacho di 7 aña bay ariba.

E producto aki ta contene azetanan botanico, cu ta stimula e cerebro di e cacho. Nan a invita un veterinario di Brasil yama Renata, cu ta un di e 500 veterinarionan di Purina, y el a bin Aruba pa splica e signonan cu tin tras di Bright Mind.

Aña pasa nan a haci un experimento cu dos cacho, y a filma nan mientras cu nan tabata alimentando cu Bright Mind.

Prome e doñonan di cacho tabata esceptico pasobra nan no tabata sa kico por a spera di nan cacho.

Prome cu nan a cuminza cu e cuminda nan a splica con e comportacion di nan cacho ta, y despues di 30 dia por a wak dos cacho completamente diferente, y nan tin dos video mustrando e cambionan cu a wordo mira den e cachonan.

Esaki ta haci cu Shohaira ta kere fielmente den e producto menciona y ta hopi bunita pa wak con e cacho ta prolonga su bida.

Shohaira ta invita tur persona cu tin cacho mayor di 7 aña pa pasa busca un sample pa wak si e cacho lo gusta e cuminda, pasobra esaki ta hopi importante.

E smak ta galiña y galiña di berdad, Shohaira a acentua.

- Advertisement -

DUNA COMENTARIO

Please enter your comment!
Please enter your name here