Home arte y espectaculo Biblioteca Nacional cu proyecto conta cuenta y comedia pa nos grandinan

Biblioteca Nacional cu proyecto conta cuenta y comedia pa nos grandinan

17
0
SHARE
- Advertisement -

ORANJESTAD (AAN):  Biblioteca Nacional Aruba ta organisa otro edicion di su proyecto ‘Conta cuenta na Casnan di nos Grandinan’.

Durante 3 luna, april, mey y juni,  hunto cu contador di storia ta bishita e diferente casnan di nos grandinan pa presenta un progama di un ora cu storia y obra teatral. E biaha aki e gira ta cu sra. Titi Tromp, Baluarte di Alto Vista, Shri Preke (sra. Lilian Besselink) y comediante sr. Henry Hernandez. Esaki ta un programa anual exitoso y ta sigui organisa esaki un biaha mas.

Shri Preke tabata na turno e prome luna y a haci 4 presentacion caba. Shri Preke su presentacion tabata tocante di custumbernan di antes. Den e di dos parti di e programa empleadonan di biblioteca ta presenta un obra teatral cortico. Aki ta trata un storia di un famia Arubiano den añanan ochenta tocante bon moral.

Di e manera aki biblioteca kier contribui na presenta actividadnan alegre y informativo pa nos grandinan cu ta biba den e diferente Cas pa Anciano manera e.o. Paviljoen San Pedro, Huize Maris Stella Savaneta, SABA San Nicolas y Cas Marie Savaneta.

Durante proximo 2 luna cada cas ta haya bishita di biblioteca y un contador di storia. Na total tin 12 bishita riba programa. Coordinacion di e proyecto ‘Conta Cuenta Na Casnan di Anciano’ ta den man di un bibliotecaria y Quota Club Aruba ta ofrece un contribucion financiero pa cubri algun gasto. Monumentenbureau tambe ta duna su contribucion.

- Advertisement -

DUNA COMENTARIO

Please enter your comment!
Please enter your name here