Home arte y espectaculo Bunita potret saca door di Damilice Mansur ta compitiendo den concurso di...

Bunita potret saca door di Damilice Mansur ta compitiendo den concurso di National Geographic

82
0
SHARE
- Advertisement -

Por vota te Diabierna 17 Mei….

ORANJESTAD (AAN): Ta un placer pa nota cu e fotografo local Arubiano Damilice Mansur, ta compitiendo den e concurso mundial di National Geographic!

Cada aña National Geographic ta habri su portanan creativo pa destaca fotografonan talentoso di rond mundo via di e concurso cu yama “National Geographic Travel Photo Contest” y concursonan similar.

E concurso di fotografia di viahe, ta reta e participantenan pa “yuda nos explora y experimenta nos mundo via di nan viahenan,” y e potretnan di e aña aki a cumpli cu esey completamente.

Tur potret cu a wordo suministra ta mustra imagennan impresionante di e mundo impresionante den cual nos ta biba.

Potretnan a wordo poni den tres categoria, esta ‘naturaleza”, “ciudadnan” y “hende”.  E imagennan aki ta relata e storia di un lugar, ta mustra nos e mundo natural, of ta comparti vision di hendenan for di rond mundo.

Bo por check e website di National Geographic pa vota pa e potret ganador di People’s Choice.  E deadline ta 17 di Mei 2019.  E ganadornan lo wordo anuncia na luna di Juni.  Por check e na:  http://bit.ly/damilicenat

DIARIO a tuma nota cu e website BoredPanda tambe a pone e 10 mihor potretnan cu nan ta haya fabuloso di e competencia, y aki tambe nan a pone e potret di e Dalmatian Pelican di Damilice Mansur, na #7 di e lista.  Aki tambe bo por primi LIKE pa yuda e potret na: http://bit.ly/damilicepanda

DIARIO ta desea exito  na  Damilice cu e National Geographic People’s Choice.  Ban Vota!

    ARUBIANO LOCAL BRAND PHOTOGRAPHY:

Na Aruba, Damilice ta dedica su talento y passion den resalta y promove nos Naturalesa. Su potretnan ta e inspiracion pa crea tur e productonan pa e marca ARUBIANO Local Brand.

E publicacion “ARUBIANO Book” (den 4 idioma), ta presenta cultura y celebracionnan di Aruba, e One Happy Flip Flops (slofnan), pechi y mas importante , e Beach y Shopping bags re- usable , cu ta specialmente diseña pa concientiza e pueblo di Aruba y turistanan riba e cuido di nos medio ambiente y tur daño cu “ plastic bags “ ta causa.  E beach/shopping bags ta hopi popular pa su tamaño eficiente y potretnan unico di Flora y Fauna di Aruba.

- Advertisement -

DUNA COMENTARIO

Please enter your comment!
Please enter your name here