Home Naturaleza Bureau City Inspector ta bay atende cu e sushedad cerca di dam...

Bureau City Inspector ta bay atende cu e sushedad cerca di dam di Matadera

30
0
SHARE
- Advertisement -

ORANJESTAD(AAN): Recientemente DIARIO a entrevista Robby Rosel di Bureau City Inspector tocante e situacion di e dam di Matadera.

“Ta tristo pa bisa, pero ta un realidad cu e caminda a wordo habri bek, caminda cu nos por a constata cu tin hopi sushedad, manera entre otro piezanan bieu di auto, stoel porta etc.”.

Esaki segun Rosel, kende a indica cu algun aña atras caba Bureau City Inspector a hasi e sitio aki limpi, pero cu awor un biaha mas un gran cantidad di sushi a wordo deposita eynan.

“Awor sigur nos tin cu bay controla pa wak kende ta esnan cu ta tira sushi aki y nos tin cu bay puntra ta kende ta esnan cu a kita e piedranan pa e entrada wordo habri, pa asina e hendenan pasa y deposita nan sushi”.

“Nos ta bay trata di hasi esaki limpi mas lihe posibel y cere bek pa evita cu hendenan ta sigui tira nan sushedad eynan”.

Esaki segun Rosel, kende a sigui bisa cu ta hopi fastioso ora cu bo ta purba di hasi limpi full rond di Aruba, mientras cu hendenan ta comete e tipo di actonan aki.

DIARIO a puntra Rosel tambe riba e kehonan cu habitantenan di e bario tin riba autonan para bao di palo etc.

El a indica cu ya caba Bureau City Inspector a cuminza mobiliza riba esey.

“Den transcurso di Dialuna pa Diamars nos ta bay tin un resultado completo riba esaki”.

“Nos no por divulga mucho riba esey ainda, pero nos ta wardando riba e momento concreto pa nos por trece esaki pa dilanti pa e comunidad ta na altura tambe kico ta sosodiendo”, segun Rosel, kende a indica cu ta bay busca pa sa ta ken ta doño di e tereno, pa papia cune tocante e situacion.

- Advertisement -

DUNA COMENTARIO

Please enter your comment!
Please enter your name here