ORANJESTAD (AAN) – Diadomingo, 19 di mei lo bay tin e gran apertura di Setar Softball Clasico 60+ na Sabana Grandi Ballpark. Meta principal di Liga 60+ di softball ta pa promove e deporte y amistad mientras ta duna e hungadornan veterano e oportunidad di por sigui hunga softball.
E 8 team cu a registra pa competi cu otro ta: Aruba Jrs, Astros- Arends Inspection, Bambino Florshein, Benjamin Tigers, Ildo’s Lottery Boomerang, Janni’s Heavy Equipment, R.C. Vettes- Stern y Surprise.
E campeonato aki ta wordo dedica na 2 baluarte di softball veteran esta Ramon “Cheo” Guerrero y Kenneth Alias ambos atleta cu un trayectorio hopi impresionante.
Fechanan di e Campeonato ta Mei 19, 26 y Juni 2, 9 y 23. Weganan lo cuminsa for di 9.30 am y lo bay tin 5 wega cada diadomingo cu bar y cushina bon surti.
Tur hende ta cordialmente invita pa pasa na e weganan clasico y apoya e hungadornan veterano 60+.
Liga Clasico 60+ kier a tuma e oportunidad aki pa gradici Setar NV pa sponsor e campeonato 2019 y tin e speransa cu e sponsorship lo dura pa hopi aña mas.
