Home Hudicial Caso di intento di asesinato na Tanki Leendert posponi

Caso di intento di asesinato na Tanki Leendert posponi

114
0
SHARE
- Advertisement -

Fiscal a manda investiga DNA y un sospechoso no tin abogado ainda

 ORANJESTAD (AAN) – E dos sospechosonan relaciona cu un tiramento cu a sosode 21 September 2018 na un cas na Tanki Leendert, a presenta dilanti Hues mientras cu e victima R.C. cu a sufri tiro, un hoben, tambe tabata presente. E caso tabata poni pa wordo trata pero door cu un sospechoso no tin abogado y Fiscal a pidi tambe pa pospone e caso pasobra el a manda investiga DNA, Hues a bay di acuerdo pa pospone e caso pa Augustus.

TIRAMENTO

E homber Arubiano C.M. y e Colombiano biba na Aruba L.M. a presenta dilanti Hues pa e caso penal cu Ministerio Publico a cuminsa contra nan. E acusacion cu Fiscal a presenta den Corte contra nan ta di intento di asesinato riba 21 September 2018. A tira riba e homber R.C. Tambe Fiscal ta acusa e duo di posecion di arma y bala cayente riba e mesun fecha. Den tribuna di sala di Corte tabata presente famia di e sospechosonan y tambe e victima R.C.

SOSPECHOSO SIN ABOGADO

Ta asina cu L.M. no tabata kier e abogado cu a bay pa represente. E abogado a desisti tambe. C.M. ta wordo representa pa abogado mr. Carlo. Hues a bisa cu L.M. tin derecho di haya abogado y lo por pospone e caso. Hues a informa L.M. cu e ora ey e caso lo wordo pospone te Augustus 2019 pasobra promer cu esey no tin espacio den e schedule di casonan penal.

ABOGADO KIER SCUCHA TESTIGO

Abogado mr. Carlo a papia un rato cu su cliente y despues a pidi Hues pa pospone e caso di su cliente C.M. pa asina e por tin oportunidad di haci L.M. pregunta, como testigo, si ta necesario.

FISCAL A LAGA HACI DNA

Fiscal a bisa cu e tambe kier pospone e caso pasobra a laga haci DNA di e sospechosonan. Fiscal a propone pa pospone e caso pa dia 30 Augustus 2019 pa 9.30 di mainta. Fiscal a entrega CD di camera di seguridad na abogado mr. Carlo. C.M. a reclama cu el a wordo maltrata den KIA durante razia y e no ta mira bon mas cu su wowo. Hues a instrui Fiscal pa investiga un ke otro y pa C.M. haya tratamento. Segun L.M. e no tin nada di haci cu e caso. Hues a bis’e cu na KIA e mester pidi pa un abogado di Gobierno. Hues a pospone e caso pa dia 30 Augustus 2019 pa 9.30 di mainta.

- Advertisement -

DUNA COMENTARIO

Please enter your comment!
Please enter your name here