Home CORTE Caso di “Parental Alienation” por ta un precedente pa mas caso tumando...

Caso di “Parental Alienation” por ta un precedente pa mas caso tumando lugar na Aruba

304
0
SHARE
- Advertisement -

ORANJESTAD (AAN):  Edmar Giel ta un persona cu ta canando un caminda basta pisa pa su derechonan como tata wordo reconoci (lesa articulo apart).

Un huez na Argentina recien a dicta sentencia y ta obliga e mama, kende a bay for di Aruba cu e yiu (pa vakantie) y no a bin bek, pa re-establece e contacto entre tata y yiu.

Huez ta mustra cu tabata un decision unilateral di e mama di separa e yiu for di e tata sin cu tabata tin previo acuerdo entre e mayornan.

E sentencia ta papia cla y raspa cu e mucha tin derechonan y cu tambe e tata tin derecho di tin contacto cu su yiu.

Gietel a bisa cu awor, e caso aki ta den corte na Aruba y sigur esaki lo ta un caso cu por ta un precedente pa otro casonan cu tin unda cu mayornan ta luchando pa nan derechonan pa cu nan yiunan.

Den e caso aki, Edmar Gietel a cera un acuerdo, ora cu e mama a bay for di Aruba pa un gezag di 50%. Esaki a wordo legaliza na Argentina y el a inicia e proceso pa e acuerdo aki tambe keda valido na Aruba.

“Nos kier pa huez, corte reconoce loke nos a gana, loke nos a lucha p’e, dus e ‘ouderlijk gezag’ di 50%. Nos kier’e, e ta di nos. Nos merece, nos kier pa e wordo reconoci”.

Na Argentina tambe e caso ta sigui. E sentencia di huez na Argentina ta un logro hopi importante. Pero tin un otro caso prepara caba na Argentina cu ta wordo trata na Juni atrobe pasobra e mama a firma cu e tata mag di papia cu e yiu, pero e ta impidi’e. E tampoco ta lagu’e wak su yiu.

E mama a firma cu e yiu mag bin Aruba y e no ta lagu’e bin tampoco. “E ta haci tur cos posibel cu su abogado aki na Aruba pa impedi esey”, a bisa.

E ta duna Dios danki cu na Argentina, cu no ta su hendenan, cu no ta su pais nan si ta para pa e derechonan di su yiu y di su mes.

- Advertisement -

DUNA COMENTARIO

Please enter your comment!
Please enter your name here