Home General CBS ta bay tin un ‘pilot’ na October den cuadro di Censo...

CBS ta bay tin un ‘pilot’ na October den cuadro di Censo 2020

87
0
SHARE
- Advertisement -

Despues di Censo 2010 hopi cambio a tuma lugar

ORANJESTAD (AAN):  Damara Rasmijn, PR di Oficina di Estadistica a indica den entrevista cu DIARIO cu Censo 2020 lo ta otro aña pero den luna di October lo tin e ‘pilot’ pa asina por sa kico por spera otro aña.

CBS kier haci un update di tur adres residencial na Aruba pa asina sa cuanto cas tin y ora di Censo mes, e isla lo wordo parti den diferente area. Lo compara esaki cu 2010, a señala.

Tambe e encuestadornan mester sa cuanto cas nan mester bishita y pesey mester sa di antemano cuanto hogar tin na Aruba.

Despues di 10 aña, ta bay tin hopi cambio y pesey CBS a dicidi di cuminza for di awor caba y no warda te 2020. E proceso lo bay dura 4 luna pa update e informacion di henter Aruba, a remarca.

Rasmijn a agrega cu tin casnan cu tin apartamento, trailer of un camber cu nan ta huur. Esakinan tambe ta wordo conta durante e Censo menos e adresnan cu ta compania.

El a bisa cu pa nan sorpresa, ta hayando hopi adres nobo, si compara cu 2010. Te cu awor a controla 13.045 cas cu ta registra como un vivienda.

Tambe tin adresnan nobo cual te cu awor  ta 1795. Cu esaki kiermen casnan cu sea tin apartamento extra of un trailer of un cuarto y tambe a haya un cantidad di 15 pa 20 cas cu ta completamente nobo y esaki tambe ta wordo conta extra, a bisa.

Tambe tin adresnan modifica cu ta 1302. Por ehempel, tabata tin un cas registra como ruina, a bash’e abao y a traha un cas nobo. Awor esaki si ta conta. Mescos casnan cu tabata habita pero cu awor a bira ruina. Tin adresnan cu no ta existi mas, a laga sa.

Damara Rasmijn a agrega cu pa loke ta FCCA, nan ta haya e datonan di biaha pero esey no ta kita cu CBS ta bay controla tur e adresnan di WEB y ELMAR, pero CBS lo haci su trabao tambe pa update nan base di dato.

- Advertisement -

DUNA COMENTARIO

Please enter your comment!
Please enter your name here