ORANJESTAD (AAN): Un variedad di oferta ta wordo ofreci pa Dia di Mama na Hilton Aruba Caribbean Resort & Casino, e caminda perfecto pa e celebracion tradicional na honor di e sernan femenino mas importante di nos bida: mama, wela, ruman y amiga, compaña pa nan miembronan di famia extendi pa e ocasion aki.
E hotel ta cla pa malcria tur e mamanan cu un breakfast buffet inolvidabel na Laguna Restaurant. E menu ta inclui un pancake y waffle station, omelet station, platonan cayente faborito pa desayuno, muffins y pastries, y un pasta station interactivo.
Cu mimosa ilimita, champaña y entretenimento en bibo di 10:30am pa 12:30pm, e buffet di diadomingo mei 12 tin un prijs excepcional Residentenan cu un identificacion local lo ricibi un descuento special.
E 4-course dinner pa Dia di Mama na Sunset Grille ta garantisa pa complace cu e Chef’s Collection pa dos persona.
E Chef’s Collection ta cuminsa cu un seleccion di tres entrada clasico: Caesar Salad cu lechuga romana, anchovis blanco, bacon y croutons di ciabatta, of Seared Sesame Ahi Tuna, cu mermelada di venkel, Togarashi Aioli y Wakame Cucumber, of e SteakHouse Wedge traha cu tomati Roma, pida grandi di Gorgonzola, y dressing di blue cheese.
E dinner ta continua cu e clasico faborito di Sunset Grille: e Lobster Bisque Shooter.
E brigada culinario di e restaurant ta ofrece cinco delicioso opcion pa e plato principal cu ta inclui un Petit Filet Mignon di 6oz., Chargrilled Creekstone Black Angus Beef, cu e opcion pa upgrade cu dos Grilled Jumbo Shrimp; Organic Chicken Breast cu sautéed spinach y mushroom risotto, Dijon sauce, Parmesan mousse; Pan Roasted Norwegian Salmon cu wild mushrooms, cu saus di manteca di biña cora, maishi y peper; of Snapper Caponata cu sauce crioyo di tomati, herbs y peper, zucchini y banana hasa. Tur plato principal ta wordo acompaña cu e opcion di un di e tres acompañantenan, batata machica, sautéed spinach, of French Fries.
E Triple Chocolate Torte, traha cu chuculati, chuculati blanco y chuculati puro, ta conclui e experiencia den Sunset Grille, cu asiento tanto paden como pafor riba e deck espectacular cu bista riba e matanan y e waterval. Dinner ta wordo sirbi di 5:30pm pa 10:30pm, y ta rekeri reservacion.
