Home Noticia Internacional Citgo a crea refugio pa grupo Maduro na Aruba

Citgo a crea refugio pa grupo Maduro na Aruba

57
0
SHARE
- Advertisement -

Maximo siguridad Reino pa Aruba cu refugiadonan ta necesario

*Diabierna guera civil tabata den desaroyo na Venezuela

*Maduro no tin autoridad pa papia di frontera Aruba/Venezuela

ORANJESTAD(AAN)–E hecho cu Diabierna e grupo Nicolas Maduro a isola Aruba di e grupo ABC pa dicidi cu e ta habri e fronteranan entre Venezuela y Aruba, mester wordo mira como algo sumamente serio. Informantenan a mustra cu ta dos porta Maduro a habri cu ta e entrada pa Brasil y e entrada pa Aruba mientras e no tin ningun autoridad pa dicidi riba e relacion entre Aruba y Venezuela.

E frontera entre Venezuela y Brasil ta marca pa terenonan mas dificil pa controla y caminda gruponan militar Chavista a penetra y a domina habitantenan.

E frontera entre Aruba y Venezuela ta maritimo pero ta domina pa refugiadonan, cu e siman aki tabata den noticia, despues cu a fluho di personanan den cuadro di rehabilitacion di e refineria a para.

A wordo revela cu refugiadonan no por wordo controla manera e situacion di gravedad ta exigi pasobra for di momento cu nan pidi asilo nan por haci manera nan kier na Aruba.

Segun informantenan na e momentonan aki, maximo siguridad ta necesario na Aruba cu mester tin control riba tur refugiado cu a drenta, teniendo cuenta cu e realidad na Venezuela, cu por bira un guera civil.

Desaroyonan na Venezuela ayera a mustra riba un situacion explosivo creciente, den cual e regimen di Maduro tabata persigui miembronan di Asamblea Nacional cu a busca nan refugio na embahadanan na Venezuela y na Colombia.

Na mes momento Juan Guaidó a mobilisa pueblo pa Diasabra y no ta exclui cu e situacion por transforma den un guera civil a base di e grado di confrontacion entre e dos gruponan.

Ta den e situacion di culminacion di confrontacion Venezolano, diripiente a drenta e informacion cu e grupo di Nicolas Maduro a habri frontera cu Aruba cu segun e grupo ta di confiansa di Maduro, cu a tene e fronteranan cu Curaçao y Bonaire cera  a base di nan relacion cu Merca.

E declaracion di grupo Nicolas Maduro tabata sorprendente pasobra na e momento aki grupo Maduro no tin ningun relacion oficial cu Reino Hulandes, cu ta considera Guaidó e Presidente di Venezuela y e persona cu ta dicidi kico ta haci cu frontera.

Informantenan di DIARIO a confirma nan informacionnan continuo cu entrada di Citgo na Aruba a haci posibel pa grupo Maduro a crea un refugio pa Chavismo na Aruba, cu mester a bira centro di operacion pa personanan cu Merca no tabata duna entrada mas. Aruba lo tabata en berdad un pasashi di placa di Citgo di Merca, cu a wordo cera ora Merca a tuma medidanan.

Aruba a bira e centro di refugio di Chavismo den region a base di e entrada di Citgo, basa riba un acuerdo cu no a duna importancia na aspectonan di siguridad y sigur di personanan cu ta drenta e pais.

Si e proyecto por a wordo realisa manera Maduro tabata kier, awor e lo tin un fortaleza na su disposicion. Teniendo cuenta cu militarisacion di PDVSA y Citgo, no ta conoci te ki grado infiltracion di Chavismo a duna resultado y continua cu personanan cu ta drenta na forma ilegal.

DIARIO semper a basa su mes riba prueba cu den e caso aki por wordo haya den relatonan oficial cu DIARIO a publica y cu ta papia di e necesidad pa controla migracion como resultado di entrada di Citgo.

E fin di siman aki por bira sumamente dramatico na Venezuela, caminda manera DIARIO a splica Nicolas Maduro no ta dispone di placa cu e tin na paisnan liber mientras entrada di Rusia y China ta limita debi na e hecho cu benta di su petroleo ta pago pa prestamo.

Den e situacion aki, maximo siguridad ta na vigor pa Aruba y Reino mester expresa su mes ya cu ta Reino ta encarga cu integridad nacional di e pais.

- Advertisement -

DUNA COMENTARIO

Please enter your comment!
Please enter your name here