Home General Citgo acusa di relacion cu mundo di droga

Citgo acusa di relacion cu mundo di droga

189
0
SHARE
- Advertisement -

Demanda di Un Miyon Dollar pa retiro di hefe di personal

*Nelson Martinez lo a duna orden pa contracto cu Rey di Droga

*Martinez a negocia contracto entre Citgo y Aruba

 ORANJESTAD(AAN)–Un acusacion sumamente pisa a wordo entrega contra Citgo na Merca e siman aki. Marisol Gomez cu tabata traha como Hefe di Personal na Citgo, a demanda un suma di Un Miyon Dollar pasobra e lo a haya su retiro a base di e hecho cu e no kier a firma un contracto entre Citgo y un compania cu Merca ta acusa di traficacion den droga.

E demanda pa Un Miyon Dollar a wordo entrega na e Corte di Districto di Condado di Harris na Texas, Merca.

Segun Marisol Gomes Citgo kier a forsa su persona di aproba un acuerdo cu e compania di Samark Lopez cu na 2017 a wordo poni riba e lista di droga di instancianan oficial Mericano.

Gomez lo a nenga di presta su mes pa firma e transaccion a pesar di ordennan ricibi di Nelson Martinez, cu tabata Presidente di Citgo y ta e persona cu a representa Citgo den negociacionnan cu Aruba.

Martinez tabata titular di Energia na Venezuela pero na 2017 a wordo encarcela acusa dor di Maduro di corupcion. El a wordo reemplasa pa Asdrubal Chavez, cu ta directamente conecta cu Maduro y cu a perde su permiso pa biba na Merca como miembro di grupo Maduro, acusa di a laba placa di Venezuela.

Gomez a mustra cu e no a forma parti di accionnan ilegal y criminal cu Martinez a duna orden pa e haci. Awor e ta exigi Un Miyon Dollar pasobra e lo a perde su empleo pasobra e no kier a presta su mes pa actonan criminal.

Martinez tambe lo a duna orden na Gomez pa firma otro contracto cu un compania cu parcialmente ta propiedad di su yiu homber. E presidente di Citgo ademas lo tabata uza Citgo pa pago di su areglonan personal di pensioen.

E caso di Martinez ta uno mas riba e lista di acusacionnan den cual e sector petrolero Venezolano, dirigi pa Nicolas Maduro lo ta envolvi. Labamento di placa y corupcion lo tabata parti di e escenario di PDVSA y otro organisacionnan yega na Chavismo.

Lopez cu Citgo lo kier a favorece, lo tin conexion cu Tareck El Aissami cu den e grupo Nicolas Maduro ta considera su mes Ministro di Economia. Mescos cu Nicolas Maduro el a nenga relacion entre sector petrolero di Venezuela cu droga.

Con e caso lo haya su curso ta dificil pa bisa. Citgo awor ta representa pa Guaidó na Merca mientras Martinez a muri na 2018 den prizon di Venezuela.

- Advertisement -

DUNA COMENTARIO

Please enter your comment!
Please enter your name here