Home Enseñanza Colegio Conrado Coronel ta e scol ganador di Hofi Amistad 2019

Colegio Conrado Coronel ta e scol ganador di Hofi Amistad 2019

38
0
SHARE
- Advertisement -

ORANJESTAD (AAN): Diabierna tabata un dia sumamente special pa Sector Primario y Enseñana di Aruba. Ministernan Chris Romero y Rudy Lampe, hunto cu un delegacion di Santa Rosa/DLVV, kier a duna un sorpresa na Colegio Conrado Coronel y asina oficialmente anuncia cu e scol aki ta e ganador di Santa Rosa su prome Hofi Amistad.

Cu e pensamento di inculca den nos muchanan e cultura di plantamento for di edad trempan, Departamento di Agricultura, Cria y Pesca/Santa Rosa, a bin cu e iniciativa di e proyecto Hofi Amistad.

Hofi Amistad ta un proyecto caminda Santa Rosa ta incentiva e scolnan basico na Aruba pa ta mas activo den plantamento, cu e meta pa ta mas autosuficiente ora ta trata cuminda.

Tur scol basico a wordo invita pa participa den e proyecto Hofi Amistad, y pa cu esaki cada scol mester a manda un opstel indicando con nan ta imagina e hofi di nan scol. E opstel ganador di e aña aki tabata esun di 4de klassen di Colegio Conrado Coronel.

Santa Rosa lo guia y yuda den e creacion di Colegio Conrado Coronel su Hofi Amistad. Esaki lo tuma lugar na cuminsamento di aña escolar 2019/2020. “E ta mi deseo pa aki 1 aña nos por mira e frutonan di e cosecha di boso Hofi Amistad”, tabata palabranan di Minister Romero na ocasion di premiacion di Hofi Amistad.

Minister Romero ta felicita e alumnonan di e 4de klassen di Colegio Conrado Coronel cu a hinca un opstel asina bunita y innovativo den otro. “Boso ta un ehempel pa alumnonan di otro scolnan sigui. Mi gradicimento na e cabesante y docentenan di Colegio Conrado Coronel pa e entusiasmo cu a brinda pa cu e proyecto Hofi Amistad”, Minister Chris Romero a finalisa bisando.

- Advertisement -

DUNA COMENTARIO

Please enter your comment!
Please enter your name here