Nan tin un fase transitorio te januari 2021
ORANJESTAD (AAN): Den conferencia di prensa, Minister Otmar Oduber a laga sa cu Gobierno a dicidi di pone un stop definitivo na loke ta e cobamento den areanan protehi manera esun di Seroe Cristal y Babijn.
E mandatario a indica cu e companianan ta haya un fase di transicion di dos aña (te 1 di Januari 2021). E companianan mester a pidi un aanlegvergunning y na e momentonan aki, mescos cu ta e caso di Cala Romana, e contesta ta bay pa e companianan aki.
E companianan lo wordo notifica tambe di e fase transitorio. Esey ta nifica cu e companianan cu ta traha y cu ta cobando ariba tereno propio, cu no ta cay den natuur gebied, muy probablemente lo haya un aanlegvergunning cu limitacion.
E condicionnan den cual nan lo sigui coba lo ta fuerte pa esnan cu por sigui opera, Oduber a remarca.
