Home arte y espectaculo Compositor Dwight Leoneta a revela cu el a skirbi tema musical inspira...

Compositor Dwight Leoneta a revela cu el a skirbi tema musical inspira door di un show di radio

84
0
SHARE
- Advertisement -

ORANJESTAD (AAN): E banda musical Buleria ta lansa otro piesa cu tin tur ingrediente pa bira hit un biaha mas titula “Stima Lihe”. Durante entrevista Live riba e radio Magic FM, e gran compositor di cancionan di e bandanan popular y gusta e.o. Cache Royale y Buleria, Sr Dwight Leoneta a confesa na DJ VIBES cu el a traha letra di e ultimo tema di Ray K, esta “Stima lihe” , ora e tabata scucha e show na Radio Magic y e topico cu nan tawatin durante un atardi di nan programa.

Ta asina cu tur atardi durante show hopi popular y cu masha hopi hende ta scucha di DJ Vibes esta Traffic Jam entre 2or – 4 or hunto cu su co hostnan Grysleen y Ixchell, nan ta skohe un topico pa combersa pidi opinion riba dje cu tin di haber cu pareha. E atardi ey nan topico tabata con lihe bo ta bolbe ‘fall in love’ ora bo a kibra cu un persona. Un persona cu supuestamente bo a stima masha hopi mes, boso a kibra pa ‘x’ motibo y despues di masha corto tempo bo ta dal aden cu otro persona. E pregunta ta surgi eora ey si ta asina lihe bo ta stima? Of ta cu nunca bo a stima e persona di berdad.

En todo caso esaki a sirbi como inspiracion pa un super bunita piesa cu a haya e titulo “Stima Lihe” cu Ray Kelly ta interpreta magnificamente.

Sr Dwight Leoneta tabata masha contento di por a anuncia tambe cu e cancion aki a bira e tema official di un serie cu yama ‘Prome Dama’ atraves di Cariflex. Pabien un biaha mas na Ray Kelly, “Ray K”, Dwight Leoneta y Quincy Comenencia y mas cu claro henter e organizacion musical Buleria cu e exito aki cu sigur lo haya su resonancia tur caminda.

- Advertisement -

DUNA COMENTARIO

Please enter your comment!
Please enter your name here