Home Naturaleza Constantemente Santa Rosa ta yuda mantene Damnan rond di Aruba

Constantemente Santa Rosa ta yuda mantene Damnan rond di Aruba

10
0
SHARE
- Advertisement -

ORANJESTAD (AAN): Desde e existencia di Departamento y Agricultura, Cria y Pesca Santa Rosa semper e departamento aki tabata ta y lo keda encarga cu mantecion di Damnan rond Aruba.

Aruba a pasa durante varios aña cu awa a yobe bon y nos por bisa cu tur Dam rond Aruba tabata yen yen di awa cu dado momento di parti Santa Rosa mes nos a saca algun aviso pa tene cuenta cu Damnan rond Aruba ta yen di awa y e ta bira peligroso pa cualkier persona of mucha nan cu por bay cerca of hunga banda di esakinan. Nos tabata dispone di suficiente awa e tempo ey cu tur productor local a disfruta pa varios aña di e awa di Dam. E period tabata tin mas hopi cultivacion di diferente producto local cu tur otro aña.

Awendia nos no por bisa mescos. Aruba ta pasando sigur pa alrededor di diez aña sigur cu un secura bastante severo. E poco awa cu ta yobe den e periodo di Oktober, November y December no ta suficiente pa tin awa di Dam a largo plaso pa tur poductor. Asina e añanan a transcuri cu a yega e momento cu awa di Dam a caba completamente den mayoria Damnan rond Aruba.

Nos mes a tuma nota cu e Damnan tabata asina seco cu e fondo a seca te cu e tera mes tabata krak. Otro Damnan nos mester  a warda te ora cu e tabata ful seco pa nos por a tuma decisionan pa haci nan limpi. Claro ora cu ainda eta lodo nos no por haci ningun tipo di trabao pasobra nos ekiponan pisa mes tabata  pega den e logo. Kiermen nos mester a tuma un period pa laga esaki seca completamente pa por a haci e trabaonan di mantencion.

E trabaonan di mantencion tabata ensera cu mester a saca tur tipo di sushi cu tin den e fondo. Aki nos ta papia sushi cu awa mes tabata trece den e Dam na momento cu e rooi lasta y ta bin cu tur sushi. Otro punto ta tambe cu ta e realidad amrago cu nos mesun hendenan tabata tira tur tipo di sushi den e Dam. Nos ta papiando di Taira di Auto, Bateria,  Cama, Stof, Frigidaire, te hasta auto completo nos a yega di haya.

Tur esaki nan mester a worde saca y haci limpi. Kisas hopi ta esnan cu no por imagina e impacto negativo cu un bateria di auto tin na momento cubo tire den e Dam.

Awor imaginabo un auto completo den e Dam kico esaki por causa no solamente na e awa cu ta worde contamina totalmente  pero e daño imenso na nos medio ambiente. Imganinabo e impacto aki. Auto cu a yega di worde kima na e oriya di Dam pa motibo di tabata un auto cu a worde horta. Nos a yega di pasa den tambe cu nos a caba di haci limpi y despues di dos dia tin sushi tira atrobe na e mesun Dam. Esaki ta dis pa menciona algun. Despues di saca tur sushi a bay over na cuminsa saca tur santo y of granit cu ta dimas pa traha espacio pa e Dam por carga mas awa posibel na momento cu bin un torencial awasero. Mas awa cu e Dam por colecta mas mihor pa nos agricultornan local, mas largo e period di awa di Dam pa nan mas cu claro.

Na e momentonan aki manera ta e caso e Dam ta hayando nan mantencion debido di parti di Santa Rosa. Nan ta worde bishita y controla pa mira cua tin preoridad. Esunan cu ya a worde bishita ta entre otro, Sabana Grandi, Kas Aruba, Vaderpiet, esun bandi Trappers, Daimari, Modanza, asina por sigui menciona. Falta algun si ainda pa mira nan situacion y despues pa tuma decision pa haci limpi. E parti esencial pa cu e limpiesa ta cu e Dam mester ta totalmente seco y sin lodo pa e trabaonan por cuminsa.

Trabaonan lo sigui normal manera custumber pa cu mantencion di Damnan rond Aruba.

Departamento di Agricultura, Cria y Pesca Santa Rosa ta haci un apelacion hopi fuerte cu tin un lugar so destina pa tira tur sushi cu ta Dump na Parkietenbos. Haci uzo di esey pa tira tur sushi y no bay tire den e Dam of na oriya di e Damnan rond Aruba.

Den caso cu abo mira personanan ta tirando sushi na e Damnan tuma nota di e number di auto y pasa esaki pa Polis avisandonan kico bo a caba di experencia. Nan lo sa di tuma paso sigur cu esaki. Sea conciente y ban cuida nos Damnan y nos medio.

- Advertisement -

DUNA COMENTARIO

Please enter your comment!
Please enter your name here