Home Hudicial Corte Comun di Husticia ta desmenti cu a pone stranheronan den libertad

Corte Comun di Husticia ta desmenti cu a pone stranheronan den libertad

278
0
SHARE
- Advertisement -

Traduccion di e comentario di Corte Comun di Husticia

ORANJESTAD  (AAN) — Di parti di e Corte Comun di Husticia di paisnan Caribense di Reino Hulandes, DIARIO ayera a ricibi un comunicado riba detencion y decision pa pone Venezolanonan cu a yega Aruba, den libertad.

E traduccion di e comunicado for di Hulandes na Papiamento ta lo siguiente.

“Diferente medio di comunicacion durante ultimo dianan a haci mencion cu un grupo di Venezolano, cu a wordo poni den custodia cu e intencion pa wordo deporta, a wordo poni den libertad a base di orden di e Hues Comisario di Corte di Prome Instancia na Aruba. E informacion aki no ta corecto.

Den casonan cu un stranhero keda deteni cu e intencion pa wordo deporta, e Hues Comisario tin un tarea legal pa averigua si tabata husto pa detene e stranhero y si ta husto pa e wordo deporta.

Den e caso aki e Venezolanonan a bisa Hues Comisario durante interogacion, cu nan kier a pidi asilo politico. Esaki nan no por haci cerca Hues Comisario, pero nan mester acudi na gobierno di e pais.

A base di e tratado cu ta regla asilo politico, no por deporta un stranhero si no a dicidi ainda si e ta haya asilo politico.

E reglanan di e tratado, cu a wordo aproba dor di gobierno di Aruba, mescos cu tabata e caso cu tur otro ley di gobierno Arubano, mester wordo aplica dor di Hues (Comisario).

Hues Comisario a dicidi cu custodia cu e intencion pa deporta e stranheronan ta legal a menos cu e stranheronan ainda entrega na e pais (gobierno) un peticion oficial pa nan haya asilo.

No tabata conoci si e stranheronan envolvi lo a haci esaki. Si nan a haci esaki, e pais no tabata autorisa pa deporta nan y cu e intencion aki mantene nan den custodia prome cu a dicidi riba e peticion. Esaki ta di acuerdo cu e Tratado pa Refugiadonan.

Hues Comisario pues no a dicidi cu e pais tabata obliga pa pone fin na custodia di e stranheronan y pone nan den libertad. El a solamente dicidi cu e stranheronan no por a keda deteni cu e intencion pa deporta nan, si nan ainda a entrega un peticion.”

Te aki e comunicado di Corte Comun di Husticia.

 

 

 

 

 

- Advertisement -

DUNA COMENTARIO

Please enter your comment!
Please enter your name here