Home Social Danilo Dijkhoff y Noraima Willems 10 aña trahando na Post Aruba N.V.

Danilo Dijkhoff y Noraima Willems 10 aña trahando na Post Aruba N.V.

202
0
SHARE
- Advertisement -

ORANJESTAD (AAN):  Post Aruba N.V. a celebra 10 aña di servicio di Danilo Dijkhoff y Noraima Willems den compania di famia y coleganan.

Danilo a cuminsa traha dia 14 di april 2009 y ta eherce e funcion di besteller. Danilo ta un trahado trankil, hopi respetuoso y cu bon caracter. Danilo su trabou no ta facil, e tin cu core tur dia bou di e solo cayente y cu tur e cachonan los riba caya. Lamentablemente Danilo tambe a yega di bira victima di un cacho cu a morde durante cu e tabata eherce su trabou. Asina mes, Danilo ta un besteller cu tur biaha ta drenta trabou cu su baki di carta bashi, pues semper e sa di cumpli cu su trabou.

Noraima a cuminsa traha na Post Aruba dia 14 di april 2009 como Loket Medewerkster y actualmente tin e funcion di Internationale Zaken Post. Noraima ta hopi aprecia entre su coleganan, pues apart cu e ta traha duro y semper sa di coopera cu otronan den trabou, e ta un persona cu hopi di su coleganan ta acerca pa pidi conseho. Noraima semper tin un mentalidad positivo y sa di conseha y motiva esnan rond di dje.

Post Aruba N.V. ta contento y hopi agradecido cu e 10 añanan di servicio di Danilo y Noraima y ta desea cada uno hopi exito den futuro.

- Advertisement -

DUNA COMENTARIO

Please enter your comment!
Please enter your name here