Home Enseñanza DCA ta sostene Fundacion Lanta Papiamento y Feria di Papiamento

DCA ta sostene Fundacion Lanta Papiamento y Feria di Papiamento

28
0
SHARE
- Advertisement -

Stanley Dabian PR:

ORANJESTAD (AAN) – Stanley Dabian, PR di Comunicacion di Departamento di Cultura Aruba (DCA), a hiba palabra durante e conferencia di prensa yama pa Fundacion Lanta Papiamento.

Departamento di Cultura ta mira como algo hopi bunita e proyecto di e Feria di Papiamento. El a expresa cu importante ta pa tur hende para keto un rato y compronde cu Papiamento ta un simbolo nacional di nos pais, como Idioma, pero tambe pensa un rato cu e ta e vehiculo di e medio di comunicacion cu e pueblo ta uza diariamente y hasta a yuda pa na caminda, compronde hopi otro idioma.

“Pesey, ban aprecia nos lenga materno cu for di dia cu a wordo concebi como baby ya bo a encontra bo mes cu e Idioma Papiamento, y mas y mas DCA ta hopi contento pasobra nos tin un proyecto cu ta Arte di Palabra, pa scolnan avanza”, Dabian a expresa.

El a agrega cu e hobennan ta hopi entusiasma y e estimulo aki pa lesa y skirbi Papiamento den un bon uso ta  hopi bunita, y pesey na momento cu FLP a acerca DCA pa e proyecto di e feria di Papiamento, cu ta e di dos y nan ta spera cu lo tin hopi mas, y cu hopi hende mira e luna di Mei como luna di Papiamento, ya cu dia 21 tabata e fecha di oficializacion (11 aña pasa) y asina aki bin cu mas proyecto na scolnan basico y Traimerdia,  pa stimula tur nos muchanan pa e bon uso di Papiamento. Tambe ta hopi importante pa esnan den e cadena profesional siña conoci cu Papiamento, y conoce su bon uso pasobra e ta e instrumento y e lenga di comunicacion cu nos comunidad ta uza mas tanto durante e dia. Stanley Dabian a conclui cu palabranan di felicitacion, di parti di Departamento di Cultura, na Fundacion Lanta Papiamento cu su diez aña di existencia y tambe gradici y felicita tur esnan cu ta sostene e fundacion, y sigur Ministerio di Cultura cu a para tras di e proyecto aki y a dune sosten.

- Advertisement -

DUNA COMENTARIO

Please enter your comment!
Please enter your name here