Home General Diaranzon ta Dia Mundial di Cruz Cora

Diaranzon ta Dia Mundial di Cruz Cora

10
0
SHARE
- Advertisement -

ORANJESTAD (AAN): Diaranzon, 8 di mei ta un fecha hopi imporante pa henter e comunidad mundial di voluntario di Federacion Internacional di Cruz Cora.  Fecha cu ta worde conmemora for di aña1948, 8 di mei, fecha natal di su fundador Sr. Henry Dunant.

E idea di Cruz Cora a nace na 1859, ora cu Henry Dunant, un hoben Suisso a topa cu un escena cu a impacte masha hopi, resultado di un bataya entre Austria imperial y aliansa Franco-Sardinia na Solferino, Italia. Un escena sangriento cu mas cu 40.000 morto riba tereno di bataya. Y hopi herido sin atencion medico. Dunant a organiza grupo cu hendenan local y asina por a duna asistencia nan tur e heridonan aki  y yuda nan.

Asina Cruz Cora a nace na 1863 ora cu 5 homber, incluyendo Dunant, a lanta International Committee for Relief to the Wounded na Geneve y esaki despues a bira International Committee of the Red Cross.  Su emblema tabata e contrario di e bandera di Suissa, cruz cora riba blanco.

International Red Cross and Red Crescent Movement ta un grupo internacional cu ta duna ayudo humanitario cu aproximadamente 11.6 miyon voluntario activo, miembro y empleado mundialmente cu a worde funda pa proteha e bida humano y salud, ta boga pa respet pa tur ser humano, ta preveni y alivia sufrimento humano.

E grupo mundial aki ta consisti di:  (*) International Committee of the Red Cross (ICRC).  (*) International Federation of Red Cross and Red Crescent Societies (IFCR) cu a worde funda na 1919 y awendia ta coordina mas cu 188 Sociedadnan Nacional.  (*) National Red Cross and Red Crescent Societies cu ta existi den casi tur pais na mundo.  Actualmente190 Sociedad Nacional ta worde reconoci pa ICRC como miembro di e Federacion.

Cruz Cora Hulandes ta un Sociedad Nacional y asina Cruz Cora Aruba ta un Overseas Branch y automaticamente miembro di e Federacion Internacional.

Cu hopi orguyo di ta forma parti di un organizacion asina importante na mundo, Cruz Cora Aruba awe tambe ta conmemora e fecha cu tur voluntario, miembro y empleado di Cruz Cora na mundo.  Pesey tambe, diadomingo, 5 di mei, a celebra e fecha aki hunto cu comunidad di Aruba durante e “Fun Fair” na Cruz Cora Dakota.

Cruz Cora Aruba kier felicita tur voluntario y colaborador pa tur e sosten y bunita trabao. Kier gradici tambe tur cos ta yuda Cruz Cora Aruba di un of otro manera pa e apoyo di  semper.

- Advertisement -

DUNA COMENTARIO

Please enter your comment!
Please enter your name here