Home Actividad Especial Diasabra henter dia e institutonan Colombiano mas popular pa medicina lo ta...

Diasabra henter dia e institutonan Colombiano mas popular pa medicina lo ta na Aruba

10
0
SHARE
- Advertisement -

ORANJESTAD (AAN): E institutonan Colombiano di mas popular ta yega Aruba pa e evento di salubridad di mas grandi di aña.

DIARIO a haya sa, cu e evento aki lo tuma luga diasabra 18 di mei entre 10’or di mainta y 10’or di anochi na Renaissance Convention Center. Institutonan Colombiano di mas prestigioso lo participa den un presentacion interactivo cu un grupo di profecional medico pa introduci sector di salubridad di e pais.

E evento aki ta habri pa publico.

ProColombia y Avianca a uni forsa pa trece 10 di e institutonan distingui Colombiano pa bini Aruba.  Invitadonan lo ricibi oportunidad pa sera conoci cu e profecionalnan medico y scucha diferente interaccion medico tocante di topiconan interesante riba tereno di sirugia plastico, cardiologia, oncologia, nurologia, oftamologia (wowo), ortopedico, odontologia, fertilidad y mas.

Colombia a bira un lider den entrega di servicionan medico debi na nan gran variedad den tecnica di tratamento, un infrastructura moderno, tecnologia avansa, acreditacion di nan institutonan, profecionalnan altamente cualifica y ofertanan medico.

“Colombia gradualmente ta birando un ehempel mundial di cuido di pashent international door di su balor di proposicion basa riba standarisacion di calidad halto y talento humano excepcional” asina Flavia Santoro, presidente di ProColombia, a declara.

E institutonan medico ta bin for di 5 cuidad capital di Colombia, permitiendo e clientenan pa tuma tur probecho di e caracteristicanan cu cada region tin pa ofrece y selecta esun cu ta acomoda mihor na nan nececidad:

MEDELIN: Clínica Las Américas, Oral Laser, Clínica Bolivariana, Clínica Clofan, Salud Sin Fronteras. BUCARAMANGA: Hospital Internacional de Colombia HIC-FCV. BOGOTA: Fundación Santa Fe de Bogotá, Coomeva  CALI: Centro Médico Imbanaco. BARRANQUILLA: Clínica Portoazul.

Tur e hospitalnan menciona tin oficinanan y personal cualifica den diferente idioma, cu ta haci e proseso mas placentero pa e pashent y nan acompañante.

Diacuerdo cu un reportahe di ‘Migración Colombia’, e outoridad specialisa den imigracion di Colombia, un promedio di 60% di tur pashent internacional trata na Colombia ta origina di paisnan Centro America y Caribe. Un di e motibonan di con servisionan di salud y asistencia medico Colombiano ta di gran influencia den e region aki, ta debi na nan localidad geografico, cu ta permiti pashentnan biaha directamente pa Bogota den un vuelo mas cortico cu dos ora.

Otro motibonan ta inclui experticio clinico, formacion medico, specialisacion, empatia, calidad di servicio, atencion personalisa y ultimo pero no di menos importancia, e relacion publico y priva entre Aruba y Colombia, cu a resulta di bira un pilar den desaroyo di e sector di Salubridad di Colombia.

E simpel hecho cu cuater instituto Colombiano ta localisa entre e top 10 di Latino America y cu diferente hospitalnan Colombiano tin acreditacion national y internacional ta pone cu e pais a bira un destinacion preferi pa pashentnan di Caribe, Estados Unidos, Sur America y Centro America.

Durante di e evento, Avianca lo ofrece tarifanan ahusta cu benificio pa e pashentnan cu interes pa bishita cualkier un di e institutonan medico Colombiano selecta pa nan tratamento.

PROCOLOMBIA ta e agencia gubernamental responsabel pa promove exportacion, turismo internacional, inversionnan directo di paisnan internacional y e cara di e pais den su totalidad. Atraves di su plataforma y conexion nacional y internacional di oficinanan, ta ofrece sosten y consulta integral na clientenan pa medio di servicionan diseña pa genera, desaroya y mantene posibilidad pa haci negoshi.

Pa haya mas informacion tocante di e pais su institucionnan di salud, por fabor tuma contacto cu Gloria Restrepo Gutierrez via di email: grestrepo@procolombia.co

- Advertisement -

DUNA COMENTARIO

Please enter your comment!
Please enter your name here