Home General Diederik Kemmerling di The Lab ta atende Conferencia F8 di Facebook

Diederik Kemmerling di The Lab ta atende Conferencia F8 di Facebook

15
0
SHARE
- Advertisement -

ORANJESTAD (AAN): “F8” ta e conferencia anual cu ta worde organiza pa Facebook cu ta ideal pa persona nan den mercadeo, developer y empresario nan cu ta crea producto of servicio nan rond di Facebook, Instagram y WhatsApp.

Recientemente, e conferencia aki a tuma lugar na San Jose, California den e region conoci: Sillicon Valley. Marc Zuckerberg hunto cu su colega nan a duna varios presentacion unda nan a papia di e ultimo noticia y actualizacion nan di e plataforma nan di social media.

Despues di aplica pa 6 aña, Diederik Kemmerling di The Lab Digital Marketing Agency a ricibi un invitacion e aña aki pa atende e conferencia exclusivo aki na San Jose. The Lab a haya e oportunidad pa siña conoce mas di e future plan nan pa Facebook, Instagram y WhatsApp hunto cu compania nan renombra manera KLM, Walmart, y Coca-Cola entre otro. Durante e evento aki di 3 dia, The Lab tabata tin e oportunidad di tin un reunion priva pa discuti e cliente nan di The Lab Aruba y Curaçao.

   Algun punto di F8 cu a destaca:

Un di e actualizacion nan mas grandi di FaceBook lo ta e lansamento di e diseño nobo di Facebook cu ta yama FB5. Esaki lo haci e uso di Facebook riba computer mas facil y simpel. Tambe, Facebook lo ofrece un secion di “dating”, unda usuario nan por escohe pa discubri match nan potencial den e comunidad di Facebook incluyendo evento, grupo y amigo di amigo. Actualmente, e actualizacion aki a worde poni na prueba na algun pais solamente pero lo cuminsa desaroya na mas pais den futuro.

Adam Mossiero, Director di Producto di Instagram a bisa cu e plataforma aki lo trece un actualizacion cu yama “Create Mode”. Esaki ta similar na e bloki nan colorido di status riba Facebook. E Create Mode lo permiti pa e contenido di quiz, y votamento worde agrega. Por ultimo, Instagram lo bay test e opcion pa usuario nan “cumpra e look” di Creators (mihor conoci como Influencers) unda nan por cumpra directamente den e app mes.

Pa haya sa mas di tur e actualizacion nan di F8, ta recomenda pa atende e di cuatro edicion di E-Aruba Business Seminar cu lo tuma lugar 8 di Juni. The Lab lo bay duna un presentacion cu tur detaye y tur loke a siña.

- Advertisement -

DUNA COMENTARIO

Please enter your comment!
Please enter your name here