Home Hudicial Dilanti Hues Comisario detenidonan tabata ilegal na Aruba

Dilanti Hues Comisario detenidonan tabata ilegal na Aruba

263
0
SHARE
- Advertisement -

Confusion libertad pa detenidonan ta haya un rabo pa leynan Aruba

 

*Hues Comisario no sa si Venezolanonan a bay pidi asilo

*Discusion ta surgi con practica ley ora detenido tin “intencion”

ORANJESTAD (AAN) — E situacion confuso cu a surgi na Aruba despues cu un grupo di Venezolano a wordo deteni, por tin un rabo largo pa Aruba. DIARIO a discuti e asunto cu informantenan experto riba tereno legal cu a indica cu e caso por haya un rabo hopi importante. Na e momento cu e detenidonan a presenta dilanti di Hues Comisario nan tabata ilegal. Nan no a pidi asilo politico ainda loke ta haci cu te na e momento ey nan mester tabata deteni segun ley.

Hues Comisario mester a dicidi riba detencion, cu no ta den man di politiconan pues minister. E documento no ta mustra ki decision Hues Comisario a tuma.

Un discusion fuerte ta surgi con mester bay interpreta y implementa ley di admision di persona na Aruba despues cu un grupo di Venezolano a wordo deteni pasobra nan tabata ilegal na Aruba.

Documento cu DIARIO a ricibi di Corte di Husticia, ta proba loke informacionnan ta indica. Na e momento cu e Venezolanonan tabata dilanti Hues Comisario nan ta tabata ilegal y Hues Comisario pa ley no por cambia nan permanencia ilegal den legal pasobra esey ta asunto di e pais.

Cu otro palabra Hues Comisario a bisa cu nan no por ta deteni si nan tin intencion di pidi asilo politico, loke nan no a haci ora nan tabata dilanti Hues Comisario ainda.

Kico entre otro polis mester haci den e caso aki, ta bira e pregunta grandi segun informantenan cu a bisa cu si a tene nan deteni lo a haci esaki pasobra nan segun ley mester wordo deporta aunke tene nan por lo pronto den barak mientras ta investiga nan intencionnan na Aruba.

Si lesa e comunicado no por tene nan deteni si e intencion ta pa nan wordo deporta si nan pidi asilo politico.

Por interpreta e comunicado pues como un oportunidad pa e Venezolanonan bay busca permanencia legal a base di un solicitud pa asilo. Esaki lo encera cu asina nan ta haya libertad.

Riba tereno huridico e caso aki ta wordo considera di gran importancia pasobra e detenidonan a bisa cu nan tin”intencion”.

Mester mira e caso den un contexto di totalidad di leynan, cu den e caso di refugiadonan mester a wordo regla di tal forma cu ta duna nan espacio pa pidi asilo pero tambe ta duna e pais espacio pa sigura su mes cu e refugiado ta refugiado y no un criminal. Na cierto paisnan hasta ta exigi declaracion di Interpol pa refugiado drenta como refugiado.

Pa autoridad sigui actua ta bira sumamente importante pa bin claridad riba e materia pasobra awor por bay maluza e oportunidad di “intencion” den otro tipo di caso relaciona cu e caracter legal di un detencion.

Importante ta bira si ta bay determina con Hues Comisario mester duna instruccion directo den e casonan aki caminda e diferente podernan na Aruba ta box y ta haci dificil pa decisionnan wordo tuma dor di autoridad, cu mester sigura siguridad di e pais, cu na e momento aki ta parti di un zona di peliger internacional.

- Advertisement -

DUNA COMENTARIO

Please enter your comment!
Please enter your name here