Home Enseñanza Dos grupo di 250 alumno envolvi den e programa “From good to...

Dos grupo di 250 alumno envolvi den e programa “From good to great”

19
0
SHARE
- Advertisement -

Parlamentario Endy Croes ta splica:

ORANJESTAD (AAN) – Den conferencia di prensa di fraccion di MEP, Parlamentario Endy Croes a elabora riba e programa yama “From good to Great”.

E parlamentario a splica cu esaki ta nifica cu den e ultimo seis lunanan a invita 9 scol cu un total di 250 alumno, cu a bay na diferente compania cu ta traha di cerca cu e programa aki, unda e grupo di alumnonan aki por pasa un dia completo cu e staf di e compania, y cana door di dje pa ser conoci cu e funcionamento di e lugar.

E parlamentario a subraya cu e programa aki a cay den bon tera, pasobra e hobennan aki a haya un bon oportunidad pa wordo motiva, pa mira kico e bida real por brinda nan na trabao y di e manera aki scoge na final, e ramo den cual nan kier studia, pa nan por tin un bon futuro.

Parlamentario Endy Croes a menciona cu el a compronde di gobierno cu den e proximo seis lunanan otro 250 alumno, di otro scolnan, lo participa den e programa aki.

Den e contacto cu e sector comercial cu a doe mee, entre otro AHATA, lo pasa den e proceso aki y asina mantene nos hobennan motiva. Nan ta e hobennan lo tin cu carga e pais aki pa futuro, sr. Endy Croes a indica.

- Advertisement -

DUNA COMENTARIO

Please enter your comment!
Please enter your name here