Home Gobierno E balansa entre medio ambiente y desaroyo economico di nos pais hayando...

E balansa entre medio ambiente y desaroyo economico di nos pais hayando hopi atencion

11
0
SHARE
- Advertisement -

Minister Otmar Oduber:

ORANJESTAD (AAN) – Minister di Infrastructura, Maneho di Medio Ambiente y Desaroyo Teritorial sr. Otmar Oduber,   a yama un conferencia di prensa cu a tuma lugar na Oficina di Directie Natuur en Milieu (Departamento di Naturaleza y Medio Ambiente), na San Nicolas, tocante e tema di “Aanlegvergunning”.

E dignatario tabata hunto cu e director di DNM y e director di DIP (Departamento di Infrastructura y Planificacion), pa duna informacion mas specifico y amplio tocante e “Aanlegvergunning”.

E motibo pa esaki ta cu ultimamente tabata tin hopi comentario al respecto, y tambe tin diferente cambio y ahuste riba e maneho, debi cu e ta wordo implementa aworaki, apesar cu e ta forma parti di e ley completo di LRO y di e maneho di ROP.

No obstante pa añanan e no a wordo ehecuta y aworaki tin hopi pregunta y inkietud den e comunidad, pa locual a haya necesario pa e directornan di e departamentonan concerni, splica un tiki mas riba e proceso con esaki ta wordo encamina, kico précis y ki ora ta necesario pa haci un peticion pa Aanlegverguning, y tambe cual ta e condicionnan bao cual nan por otorga esaki.

E dignatario a indica tambe cu hopi biaha por mira cu no tin control riba e leynan cu mester eherce di maneho di ta existi, y e parti di inspeccion cu tin cu tuma lugar, ta keda afo.

Minister Otmar Oduber a subraya cu durante e ultimo cuarenta añanan pa mayoria di e gobiernonan e departamentonan concerni no tabata prioridad, sea Vroom y despues DNM, cu tabata wordo poni un banda, of no tabata riba e lista di e departamentonan di mas importante, pasobra e meta tabata pa por duna mas tereno y mas construccion, tin mas desaroyo y infrastructuralmente bay mas dilanti, pero poco atencion a wordo poni riba e aspecto di e balansa cu mester wordo crea entre e cuido y preservacion di nos medio ambiente (flora y fauna) y e continuacion di e desaroyo economico y infrastructural di nos pais.

E mandatario a señala cu no ta por nada cu e ultimo dos añanan gobierno a pone e dos carteranan hunto: esta medio ambiente y infrastructura. Esaki ta pa netamente eherce e meta cu a wordo poni pa crea e balansa entre ambos identidad y por mira cu hopi atencion a wordo hinca, no solamente den leynan nobo, entre otro di Parke Marino y percura pa duna realze na hopi acuerdo y leynan existente manera e Ley di Ordenanza Territorial, cu despues di diez aña, aworaki den un constelacion y bachi nobo ta haciendo hopi trabao, specialmente den e ROP nobo y e ROPV cu ta na caminda.

E mandatario a menciona otro leynan manera e Comision di Flora y Fauna cu tambe ta existi pa hopi aña pero no tabata hopi activo of no tabata haya e atencion necesario. Aworaki tin un Comision di Flora y Fauna cu a consisti di cinco experto cu ta cay bao e Secretariado di DNM, cu ta hopi activo cu cual gobierno ta intercambia hopi di pensamento y ta haya conseho cu ta wordo pidi.

- Advertisement -

DUNA COMENTARIO

Please enter your comment!
Please enter your name here