Home Editorial E desesperacion di Maduro ta e placa cu Guaidó ta controla

E desesperacion di Maduro ta e placa cu Guaidó ta controla

66
0
SHARE
- Advertisement -

Analisis Mundial Special

Confrontacion mundial ta alcansa punto culminante cu Citgo

 *Pago di debe di Citgo a demostra poder di Guaidó riba Maduro

*Maduro tin poder militar y Guaidó e poder di placa na hopi pais

 

Manera DIARIO a analisa pa su lectornan na hopi ocasion, e situacion actual cu a desaroyo na Venezuela, tin hopi angulo. Central lo keda e interesnan financiero di Venezuela, cu Nicolas Maduro ya no por controla.
Na e momentonan aki por papia di un desesperacion total di Maduro, cu a cuminsa actua na un forma cu no ta nada sorprendente den mundo diplomatico mundial. No ta Guaidó ta den problema serio, pero Maduro cu cada rato por conta cu menos entrada di PDVSA cu el a pone bou supervision directo di Rusia, cu mescos cu China y Cuba ta haya petroleo a base di acuerdonan cu no ta duna Nicolas Maduro hopi placa.

Maduro mester entrega petroleo na China y Cuba como pago pa debenan cu e tin cu e dos paisnan.

E siman aki ta parce cu e situacion na Venezuela a tranca posibilidad pa Guaidó, cu a mustra cu Maduro kier kibra e forsa di Asamblea Nacional dor di tira miembronan di e Parlamento eligi pa pueblo Venezolano den prizon.

Si Maduro kier haci esaki ta, pasobra Asamblea General ta podera Guaidó pa haci uzo di placa di Venezuela na Merca, cu ta bou di control di Guaidó y cu den pasado Nicolas Maduro a abusa di dje.

E motibonan pa e medidanan di Merca pero tambe resultadonan, manera DIARIO a splica na hopi ocasion, awor ta bira visibel debi na e efectividad.

E debenan di Citgo cu mester a wordo paga e lunanan aki pa evita cu e compania ta cay den man di institutonan comercial cu a duna Nicolas Maduro placa den forma di prestamo, ta wordo paga dor di Guaidó.

E placa no necesariamente lo sali for di fondonan di Citgo pero por sali for di otro reservanan cu Venezuela tin na banconan Mericano, contra pa e Banco Central di Merca, cu entre otro a prohibi banconan na Puerto Rico pa haci negoshi cu e regimen di Nicolas Maduro.
Guaidó ta wordo reconoci dor di Merca como Presidente di Venezuela cu pa medio di Asamblea General  ta haya e autorisacion constitucional pa uza placa di Venezuela.

Esaki ta nifica cu Nicolas Maduro por tin poder militar pero Presidente Juan Guaidó pa medio di Asamblea Nacional tin e poder di placa na paisnan cu a reconoce Guaidó como Presidente.

Esaki ta e peliger grandi pa Nicolas Maduro cu mester para mira con Guaidó ta soluciona situacion financiero di Citgo, cu tabata e fuente grandi di entrada di Nicolas Maduro.

- Advertisement -

DUNA COMENTARIO

Please enter your comment!
Please enter your name here