Home Actividad Especial E di tres “Medical Expo’ organiza pa ProColombia y Avianca tabata un...

E di tres “Medical Expo’ organiza pa ProColombia y Avianca tabata un exito

121
0
SHARE
- Advertisement -

ORANJESTAD (AAN): Pa di tres aña consecutivo, ProColombia conhuntamente cu AVIANCA a realiza e “Medical Expo” aki na Aruba.

E dos añanan anterior e expo aki a tuma lugar den un forma discreto cu 4 of 5 clinica di Colombia cu a bin Aruba pa duna charlanan informativo .

E aña aki, segun Johanna Hernandez, Ehecutivo di Avianca, a mira e necesidad di e comunidad di Aruba di haya mas informacion di tur e proveedornan di servicio medico cu ta wordo ofreci na Colombia.

Esaki por sosode como opcion ora cu e seguro no ta cubri e tratamento of cu no tin a manera pa haya e tratamento aki na Aruba.

E aña aki a invita 12 instituto mas reconoci di Colombia pa bin Aruba y duna informacion relaciona cu nan producto y nan servicionan di salud, estetico, salud oral, cardiovascular, etc.

E evento a tuma lugar Diadomingo na Renaissance Convention Center y e entrada tabata totalmente gratis.

Avianca a yuda organiza e expo y a trece e organizacionnan. Tambe nan ta yuda esnan cu kier bay Colombia pa haya tratamento pa medio di e aerolinea. Na e tarifanan ta wordo aplica un 25% di descuento ora di presenta e prueba di e cita medico cu cualkier di e institutonan presente na e expo, Hernandez a duna di conoce.

- Advertisement -

DUNA COMENTARIO

Please enter your comment!
Please enter your name here