Home Infrastructura “E responsabilidad di diseño, financiamento y mantencion ta cerca e compania Mota-Engil”

“E responsabilidad di diseño, financiamento y mantencion ta cerca e compania Mota-Engil”

14
0
SHARE
- Advertisement -

Director di DOW ta pidi pasenshi y comprension

ORANJESTAD (AAN): Diahuebs DOW a tene un rueda di prensa, unda cu director Marlon Croes a duna informacion di e proyecto di Watty Vos Boulevard.

“E ta un proyecto cu a cuminza na 2017 y e ta poni pa termina na Augustus 2019, pa comunidad di Aruba por uza”.

“Tin diferente trabao ta tumando lugar ainda, entre otro na Seroe Patrishi, Tankileendert, Ponton, Oceania, Alhambra, Juancho Irausquin Boulevard y Fermin’s Bar”.

Esaki segun Croes, kende a indica cu den e temponan cu ta bin e trabaonan ta bay intensifica, pa cual DOW ta pidi cooperacion, pasenshi y comprension di comunidad.

“Di otro banda, riba nos pagina di facebook nos ta ripara cu DOW ta hayando bastante critica y mi kier a coregi algun cos un rato”.

“Den e caso aki, segun e contrato, e responsabilidad di diseño, financiamento y mantencion ta cerca e compania Mota-Engil”.

“Naturalmente DOW tin e rol di yuda, guia y duna informacion, pa wak pa e cosnan cana mas mihor posibel”, segun Croes.

Prensa a mustra tambe riba e hecho cu un di e criticanan grandi ta cu ora cu tin cambionan den e situacion di trafico door di cierto construccion, e cambionan aki ta bin sin un bon previo di aviso.

E automobilistanan kier pa ora cu tin cambio, nan haya sa di esaki por lo menos algun dia prome, pa por tene cuenta cu esaki.

Croes a indica cu esey ta bay sosode desde awor pa dilanti.

A puntra e director si DOW por duna e compania un multa ora cu no cumpli cu cierto partinan di e trabao y el a bisa cu sigur cu si.

- Advertisement -

DUNA COMENTARIO

Please enter your comment!
Please enter your name here