Home Editorial Entrada ilegal ta destrui base social y economico di Aruba

Entrada ilegal ta destrui base social y economico di Aruba

48
1
SHARE
- Advertisement -

Caso Minister den Corte a demostra kico a pasa cu Aruba

*Peticionnan pa asilo politico no por wordo maluza

*Seguronan y fondonan social di Aruba ta wordo afecta

 

ORANJESTAD(AAN)– “Aruba kier yuda pero Aruba no por yuda su mes completamente mas den e crisis cu e pais ta aden y a afecta e situacion financiero, economico y social di e pais. Entrada ilegal a wordo abusa durante ultimo añanan y Arubianonan ta sufri e resultado. Mester mantene e reglanan actual pa evita cu pueblo di Aruba ta bira victima riba termino cortico y largo.”

Palabra cla a wordo papia dor di personanan cu a reacciona riba e informacionnan a base di e confusion cu tabata reina riba tereno di admision di un grupo di Venezolano na Aruba.

Cu palabranan skerpi a mustra DIARIO cu peticionnan pa asilo politico no por wordo maluza pa personanan cu na forma ilegal kier drenta Aruba y awor a haya un forma pa abusa di e situacion cu tin na Venezuela y tin resultadonan sentimental.

“No ta awor nos problema a cuminsa. Ta pa hopi tempo entrada ilegal na Aruba a causa problema serio pa e pais, cu a conoce hasta caso di un minister den Corte,” a wordo treci dilanti na DIARIO.

“Nos kier yuda tur hende di tur pais. Pa nos yuda nos mester tin e posibilidad pa yuda semper y cuando no maluza e posibilidad cu Aruba ofrece,” a wordo declara dor di personanan cu ta hopi afligi pa loke ta pasa na Venezuela.

“E loke ta pasa na Venezuela a afecta Aruba tambe. Nos turismo a cay. A introduci un proyecto di Citgo cu tin Aruba den problema serio. E nivel di bida di Aruba a wordo afecta. Asina mes nos kier yuda pero mester keda consciente cu e ayudo ta limita na nos posibilidad y tambe mester ta temporal pa evita problemanan grandi.”

Informantenan a mustra DIARIO cu cada persona cu traha na Aruba ta afecta nos fondonan.  Hopi cu a drenta ilegal, no solamente di Venezuela, a haya oportunidad pa keda y e scandal di e minister di gobierno anterior cu mester a presenta dilanti hues y a wordo condena mescos cu hopi otro pa complicidad, ta mustra con serio e situacion ta.

Fondonan di seguronan social pero tambe di asistencia social di e pais mester tene cuenta cu participacion di personanan cu ta abusa di leynan di Aruba y unabes cu nan a disfruta di trabou, a inverti asina na nan negoshi na nan pais, ta bolbe nan pais pero ta gosa di pensioen di behes entre otro.

Tur mester ricibi mes suma cu e Arubiano ta haya pa e total di tempo cu nan a traha. Comercio tambe ta wordo perhudica dor di entrada ilegal di productonan cu personanan cu ta drenta e pais na forma ilegal ta trece y ta cana bende barata pasobra nan no ta paga impuesto ni otro sumanan cu comercio local oficial si mester paga.

“Aruba no tin nada contra stranhero y cordialidad di Aruba semper a haci cu nos a habri brasa pa tur pueblo. Pero tin caso den Corte pa proba con stranhero ta pone hefenan kita Arubiano for di trabou pa e traha. Nos mester tene cuenta cu ta yuda Venezuela manera semper nos a yuda, pero segun regla y posibilidad,” a wordo indica.

Informacionnan cu DIARIO a ricibi tambe ta mustra cu e forma cu kier forsa crecemento di poblacion na forma iresponsabel dor di kibra reglanan cu ta proteha Aruba, no ta bon tampoco pa stranheronan di buena fe cu segun reglanan a establece na Aruba y a bira parti di comunidad.

“Autoridad mester tene cuenta cu Aruba cu mester ta bon pa e yuda otro,” ta uno di e hopi reaccionnan serio riba e problema cu tin awor pa pidi asilo politico, cu por haci cu Aruba mester acepta crecemento di poblacion na un forma cu ta pone tanto e actual ciudadanonan di Aruba como e personanan cu ta keda Aruba cu peticion pa asilo na peliger serio,” a wordo indica.

- Advertisement -

1 COMMENT

  1. Aruba a bai den un direccion ku hamas por a wordo pensa. Tur sorto di nacionalidadnan a drenta. Hendenan ku no tin e mes un sentimento humano ku nos rubianonan tin. Despensami si tin ofensa pero asina mi ta wak e y esei ta lokual mi a nace y biba den.
    E dushi Aruba no ta existi mas. E ta leu di ta One Happy Island.

DUNA COMENTARIO

Please enter your comment!
Please enter your name here