Home Policial Fayonan di coriente constante na Aruba tin hopi  hende disgusta

Fayonan di coriente constante na Aruba tin hopi  hende disgusta

491
0
SHARE
- Advertisement -

Ladron a horta wayanan di koper na Grot di Lourdes

ORANJESTAD (AAN): E suministro di coriente ta lagando publico un tiki disgusta e dianan aki. Specificamente areanan unda nan ta keda basta rato sin suministro.

Diasabra cu a pasa mes, un area grandi pariba di brug a keda como 5 ora sin coriente.  Esaki a presenta for di banda di 5:00 am.

E mesun dia, a bin descubri tambe cu ladron a horta un monton di waya di coriente na Grot di Lourdes.  Esaki a socede despues cu Diabierna tabatin un bunita sacrificio di misa eynan.

Diasabra mainta ora cu a bay habri porta di grot, a bin descubri cu ladron a bolbe corta e wayanan na e cueba santo aki.  Esaki ta di cuatro biaha den un tempo relativamente corto cu ladronicia di e material importante di koper aki ta wordo horta eynan.

Nan a corta wayanan cu tin banda di e palo di luz, y lagando esnan di Grot di Lourdes cu hopi dolor di cabez.

E sospecho ta cu e mesun personanan ta haci e bagamunderia aki na Grot di Lourdes.

Sinembargo no ta e cortamento di waya aki cu a causa cu pa 5 ora largo un area grandi di Savaneta a keda sin coriente.  E fayo lo ta ubica un otro lugar, y NV Elmar ainda tin di localiza e origen di e fayo.

Pero e dianan cu a sigui, tabatin varios otro bario cu a confronta problema.  Diamars mainta tambe for di banda di 7:40 am, un area grandi na Cashero y vecindario a keda sin coriente.  Aki tambe NV Elmar a core laga tecniconan subi caya pa busca e origen di e storing.  Pero esaki a dura mas cu normal.

Despues di casi 5 ora, coriente a wordo suministra bek den e area.  Y loke tin clientenan disgusta, ta cu e compania no ta ofrece ningun splicacion kico a pasa, y di con a dura asina hopi.  Y esey tin hopi hende disgusta ultimo temponan.

Recien e compania NV Elmar a pidi pa esnan cu ta hisa fli, pa por fabor ta mas cauteloso cu e rabonan cu por dal riba e wayanan di coriente.  Tin di remarca cu esnan cu ta cumpra e blaasnan di aluminio of kevlar (di number) pa cumpleaño y yena cu Helium, pa tene cuidao cu nan no ta bula bay y pega riba e wayanan y causa corto circuito.

Pero hecho ta tambe cu na algun caminda pariba di brug, tin hende anti-social cu ta hasta subi palo di luz y horta wayanan di voltahe di e compania.  Asina ta laga areanan sin coriente, y gasto extra pa e compania.

 

- Advertisement -

DUNA COMENTARIO

Please enter your comment!
Please enter your name here