Home General Fundacion Rancho cu encuesta dirigi na e habitantenan di Rancho

Fundacion Rancho cu encuesta dirigi na e habitantenan di Rancho

6
0
SHARE
- Advertisement -

ORANJESTAD (AAN):   Fundacion Rancho ta realizando un encuesta den e bario di Rancho. Genely Quant a duna di conoce cu nan a cuminza cu e encuesta aki caba hunto cu algun studiante di Universidad di Aruba.

Nan kier haya informacion di e bario di Rancho y becindario pa haya sa ki sorto di actividad nan kier pa asina e fundacion por cuminza mehora nan servicio of nan proyectonan na e centro di actividad.

E encuesta ta pa haya informacion di e comunidad, tambe pa haya un bista di kico nan kier  y kico por mehora, a enfatiza.

E encuesta tin 25 pregunta, pero ningun pregunta personal. Ta puntra entre otro ariba e actividadnan cu e personanan ta desea pa tin den e bario, tambe ariba seguridad, luz, sushi, bestia, etc, Quant a indica.

Stichting Rancho ta trahando cu organizacionnan local manera Serlimar, Cede Aruba, entre otro. Pesey como NGO, mester e informacion aki pa sigui mehora e proyectonan cu nan ta bin ta haciendo. Pa medio di e encuesta aki kier haya informacion di comunidad.

A bisa cu encuesta ta anonimo, pero djis kier conoce kico e habitantenan ta pensa. Ya caba a parti e encuesta den un envelop cu e 25 preguntanan den dje. Adhunto lo haya un flyer cu informacion ariba e fundacion y con pa yena e encuesta.

Tambe ta bay ta entregando stickers di I Love Rancho pa asina duna forza na e comunidad pa ta mas orguyoso di nan bario, Genely Quant a señala.

El a agrega cu despues cu nan caba di prepara e encuesta cu ta wordo parti pa medio di un envelop, nan lo bay over na un version digital.

Por pasa na Centro Di Actividad Rancho pa entrega of yena encuesta.  Haci esaki prome cu 30 di Mei 2019 y bo lo haya e oportunidad di gana premio. Nan adres ta Koningstraat 38.

- Advertisement -

DUNA COMENTARIO

Please enter your comment!
Please enter your name here