Home General Gasolin ta caba den e vehiculo di Nicolas Maduro

Gasolin ta caba den e vehiculo di Nicolas Maduro

514
0
SHARE
- Advertisement -

Welga di sindicatonan ta expande mientras gasolin ta caba

*Misil economico di Merca ta paralisa baluarte petrolero Maduro

ORANJESTAD  (AAN) — Den e accionnan concreto di Merca hunto cu algun pais liber cu no ta sigui suplica Nicolas Maduro. gasolin ta caba den e vehiculo politico di Nicolas Maduro.  E medidanan creciente cu Merca ta tuma contra e industria petrolero, ta yega na e punto culminante y ta alcansa nan proposito.

Manera DIARIO a anuncia, Merca ta ehecuta su plannan concreto pa stop avance di Nicolas Maduro haciendo uzo di rikesa natural di Aruba na bienestar di su grupo politico.

Merca a tuma medida directo pa evita cu Nicolas Maduro y su grupo lo a sigui enrikece nan mes y nan aliadonan na entre otro Cuba, Nicaragua, Rusia y cantidad di otro pais caminda placa di PDVSA a wordo uza.

E resultado ta, cu ayera a habri cu un produccion di 85 porciento menos gasolin cu tabata normal pa cubri e demanda di e mercado local di Venezuela.

Economistanan Venezolano tabata mustra cu henter economia di e pais tabata paralisa y cu hasta produccion di alimento tabata na un minimo. Den e situacion aki regimen Maduro a dicidi cu tur gasolin ta pa Caracas, caminda e grupo Maduro ta concentra.

Fedecamaras a mustra cu 70 porciento di transportacion di carga ta tranca na Venezuela, caminda sindicalistanan di sector petrolero a indica cu e volumen di gasolin disponibel den e teritorio nacional tabata 800 punto mientras cu 19 aña pasa ainda tabata tin 1750 stacion di servicio.

Ayera Merca a tuma otro paso grandi ora el a paralisa transportacion di carga cu medidanan contra diesel.

- Advertisement -

DUNA COMENTARIO

Please enter your comment!
Please enter your name here