Home Gobierno “Geschillenregeling” lo mester bini na vigor pronto

“Geschillenregeling” lo mester bini na vigor pronto

43
0
SHARE
- Advertisement -

Ministernan Plenipotenciario di Reino durante encuentro na Tweede Kamer

ORANJESTAD (AAN)/Den Haag: Comision di Asuntonan di Reino di Tweede Kamer a tene dia 29 di mei un asina yama “rondetafelgesprek” riba e tema di e “geschillenregeling” pa Reino Hulandes.

Minister Plenipotenciario di Curaçao Anthony Begina, Minister Plenipotenciario di St. Maarten Jorien Wuiten y Minister Plenipotenciario di Aruba Guillfred Besaril a hiba palabra unda nan por a trece dilanti e punto di bista di nan pais riba e tema aki. Minister Besaril a entrega den nomber di Gobierno di Aruba un position paper cu ta hiba e titulo “Het belang van een onafhankelijk geschillenbeslechting”.

Minister Besaril den su declaracion na e parlamentarionan a ilustra e situacion den Reino Hulandes cu un ehempel di e situacion den Union Europeo, na unda ta respeta e opinion y punto di bista di e paisnan chikito, manera Dinamarca, Luxumburgo y Hulanda. Esaki tambe mester ta posibel den Reino Hulandes, segun argumentacion di sr. Besaril.

Tur tres mandatario ta di opinion cu e “geschillenregeling” lo mester bini na vigor pronto. Pero si cu e mester ta un “geschillenregeling” bon hica den otro y segun e deseonan di e paisnan Caribense di Reino Hulandes. Esaki lo mester bira un punto importante durante e reunuionnan di IPKO final di juni proximo.

E parlamentationan a haya ocacion pa haci un pregunta na e tres ministernan. Despues di un schorsing chikito tabata na turno algun experto riba structura estatal, manera prof. Ernst Hirsch Ballin, prof. Gert Oostindie y prof. Arjan van Rijn pa comparti nan opinion riba e “geschillenregeling” cu e miembronan di e comision di Asuntonan di Reino di Tweede Kamer.

Potret ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here