Home Gobierno Gobierno tin nan atencion riba e crisis Venezolano

Gobierno tin nan atencion riba e crisis Venezolano

21
0
SHARE
- Advertisement -

Prome Minister Evelyn Wever-Croes

ORANJESTAD (AAN):    Prome Minister ta haci un apelacion na henter comunidad di Aruba, e situacion na Venezuela no ta bay cambia por lo pronto, si bin un cambio mes, no kiermen cu problemanan di Venezuela ta wordo soluciona mesora. Aruba lo keda sinti e efectonan di e problemanan na Venezuela.

E mandatario a pidi pa nos no bay den panico, pasobra nos no por soluciona e problema y panico no ta yuda den nada. Loke nos no mester haci ta sembra odio, pasobra esey no ta e Arubiano, esey no ta e cordialidad cu nos ta canta den nos himno. Nos pilar economico ta keda turismo y mester trata tur turista cu mesun cordialidad y amabilidad pa nan bolbe y trece mas turista pa nos economia sigui desaroya.

El a pidi pa tur hende keda trankil, Gobierno tin nan atencion riba e crisis y nan ta atendiendo cu e crisis, e ta bao di control y nan lo sigui atende cu cualkier eventualidad riba nan caminda. E ta pidi trankilidad den comunidad pa asina Gobierno por tuma e mihor decisionnan na interes di esnan cu a pidi asilo pero mas importante interes di pueblo mes.

- Advertisement -

DUNA COMENTARIO

Please enter your comment!
Please enter your name here