Home General Grupo di habitante di Hooiberg pafo cu yamada fuerte na Minister Otmar...

Grupo di habitante di Hooiberg pafo cu yamada fuerte na Minister Otmar Oduber y DOW

95
0
SHARE
- Advertisement -

Bida y seguridad di hende mester ta central:

ORANJESTAD (AAN) – Señor Frank Kock, como vocero di e habitantenan di Hooiberg 67C te 70A, den entrevista cu DIARIO a sigui relata tocante nan esfuerzo pa haya un solucion pa e salida y entrada di nan bario ta uno adecua.

Sr. Kock a menciona cu tan pronto e campaña politico a termina y gobierno a forma, el a acerca Minister Andin Bikker ken a bise pa e acerca Minister di Infrastructura, Medio Ambiente y Desaroyo Teritorial, sr. Otmar Oduber.

Bikker a priminti cu si e acaso mester bay mas leu e lo haci un test case, pero a aconseha pa papia cu Minister Otmar Oduber locual el a haci y manda email pe, pero nan a keda teni na linea y na ultimo el a haya su secretaria ken a pase pa sr. Gilberto Figaroa ken ta traha pa sr. Otmar. Mi a papia cu nan tur y splica nan kico ta kico pero nunca nan tin solucion y nunca nan a regle cu DOW.

Sr. Frank Kock a consulta cu polis, entre otro, cu conoce di e materia y nan a dune razon den tur sentido. Si acaso nan a haci un investigacion na parti pariba di e caminda nan no por hacie cu djis para wak e autonan pasa.

E usuario ta mira e peligro, y no nan para un banda. Kiermen un investigacion tras di lesenaar, no ta yuda.

Ademas di esey, riba e caminda grandi di Santa Cruz, unda nos tin cu sali awo y di ey bin abao te cu Well Well, a tuma lugar hopi accidente di auto y cu a cobra bida di como ocho hende caba.

Pero no tin ningun estadistica pa sa cuanto nan ta. Cu e informacion aki por traha advies bon. Sr. Kock a menciona cu e salida na parti pabao di e caminda ta hopi mas safe.

Mirando cu ora e purba di contact Minister Otmar Oduber pero ningun hende ta coi telefon, of nan ta rek e asunto, a dicidi pa trece e situacion dilanti publicamente, pa wak si por haya un resultado.

Na April ultimo el a haya afspraak cu Minister Otmar Oduber y a splike unda e caminda ta, y pidie pa kita e borchinan di e punta pabao y habri e caminda un tiki mas, un tres pa cuater meter di manera cu un auto grandi tambe por drenta, pone verkeers drempels pa kibra velocidad, tambe un borchi grandi cu ta indica cu ta yegando na un high way, y ademas pinta streps blanco pa para eynan y tuma tur medida necesario riba tur e caminda mes pa kibra velocidad, y e ta bira mucho mas sigur cu y cera e caminda pariba.

Y e ora traha un birada pa bira y sali bek ya cu tin lugar pa haci esaki, mescos cu DOW a haci den algun otro bario unda tin hopi cas, y ora yega na final di e caminda ta bira bek y tin casnan rond.

Den e bario aki no tin casnan rond pero por bin cu e mesun sistema cu ta bira sali y henter e problema ta wordo resolvi.

Sr. Kock a expresa cu e gobierno actual tin un maneho estricto cu nan ta bisa cu e ser humano ta central: e ta bin na prome lugar.

“Awo, si e ser humano ta central y ta bin na prome lugar pa e gobierno aki, anto e bida di e ser humano tambe mester bin na prome lugar; e seguridad di e hendenan ta bin na prome lugar”, sr. Kock a remarca.

Sr. Kock ta puntra kico ta pasando anto cu nan ta papia un cos y ta haci otro.

“Ora ta trata di bida y seguridad di hende, bo no por tarda riba dje bo mester tuma medida. Mi ta bisa esaki fuerte, pa motibo cu, ki hubo si tabata nan famia, nan yiunan cu tur dia mester hiba nan scol y cu nan tin cu sali riba e caminda grandi peligroso ora ta druk, y nan bida lo ta na peligro? E ora ey si nan no a tuma medida?”

Ta trata aki di e bario ubica pabao di e caminda grandi di Santa Cruz.

- Advertisement -

DUNA COMENTARIO

Please enter your comment!
Please enter your name here