Home Policial Hoben motociclista a fayece despues di accidente mas cu un luna pasa

Hoben motociclista a fayece despues di accidente mas cu un luna pasa

883
0
SHARE
- Advertisement -

E tabata luchando pa su bida na Bucaramanga

ORANJESTAD (AAN): Un noticia lamentable a drenta na mesa di redaccion di DIARIO. E hoben Yerlin Mendieta, kende  tabata envolvi den un accidente di trafico ariba LG Smith Boulevard mas o menos 1 luna atras a fayece pa motibo di e complicacionnan despues di e accidente unda e brommer a dal den un auto ariba caminda.

E accidente a sosode dia 3 di April ora cu e chofer di un SUV a reverse pa subi caminda. Mendieta tabata biniendo for di pabao cu su brommer y no a logra para na tempo. El a dal den e parti patras di e SUV y a cay ariba caminda.

E hoben naci 8-02-1994 di 25 aña despues di e accidente su salud a keda comprometi y mester a hibe Bucaramanga pa atencion specializa. El a haya hopi sla y a pasa den mas di 10 operacion.

Sinembargo, Yerlin no por a lucha mas pa su bida y el a fayece ariba diadomingo.

DIARIO kier expresa palabranan di condolencia na famia y conocirnan.

- Advertisement -

DUNA COMENTARIO

Please enter your comment!
Please enter your name here