Home Politica Holocausto no mag ripiti su mes hamas

Holocausto no mag ripiti su mes hamas

88
0
SHARE
- Advertisement -

Mervin Wyatt-Ras:

ORANJESTAD (AAN): Diahuebs dia 2 di mei den e synagogue Beth Israel a tuma lugar un ceremonia solemne pa recorda y tur persona cu a lucha y/of perde nan bida na un forma hororoso durante segunda guera mundial.

En particular hudionan a ser discrimina y masacra dor di Adolf Hitler y su seguidornan Nazi y antisemitista.

A discrimina tur otro cu ta diferente di e rasa arico. Parlamentario Mervin Wyatt-Ras ta di opinion cu ta di importancia pa recorda e historia y preveni actonan como tal. Ta nos deber siña nos futuro generacion pa preveni cu tal actonan por ripiti nan mes.

Despues di diferente discurso, e.o. di Rabbi Kripper y representantenan di diferente religion, a cende bela pa descanso di victimanan di e Holocaust.

Despues tabatin presentacion di un documentario impactante titula Defiant Requiem.

Den e documentario e compositor Rafael Schächter y otro prisioneronan den e campo di concentracion Terezin na Czechoslovakia a uza e poder di musica pa lucha contra e Nazinan y nan masacre.

Apesar di e maltrato e prisioneronan tabata bin hunto tur anochi pa practica. Nan a duna un presentacion di e composicion di Guiseppe Verdi na Latino dor di cual e Nazinan no por a compronde nan grito pa libertad.

Wyatt-Ras ta gradici pa e oportunidad pa e y su esposo por a forma parti di e ceremonia bunita y cu gran valor historico.

- Advertisement -

DUNA COMENTARIO

Please enter your comment!
Please enter your name here