Home General Hopi ‘sargassum’ mira na costa noord

Hopi ‘sargassum’ mira na costa noord

172
0
SHARE
- Advertisement -

ORANJESTAD (AAN):  For di luna di maart, un cantidad basta grandi di ‘sargassum’ of yerb’i lama a cuminsa yega na e costa di Bonaire.

Sinembargo, for di e dia ey, e otro islanan di region caribense tambe a haya presencia na nan costa di e yerba aki cu ta afectando flora, fauna y transporte maritimo.

Na Aruba tambe por a mira con esaki ta afectando nos costa locual ta haci cu lama ta mustra manera sushi, di un color manera lodo y na e rand un cantidad grandi di e alga aki color berbe-bruin.

Diadomingo por a mira con banda di Lighthouse, e costa tabata yen di ‘sargassum’.

Sargassum a cuminsa bira mas bisto na aña 2011 den Caribe. El a haci un impacto riba e recurso maritimo, piscamento, bunitesa di beachnan como tambe riba turismo. Despues na aña 2014 y na 2015 un biaha mas e Yerb’i Lama (Sargassum) a acerca paisnan den Caribe.

Mayoria biaha no ta tuma accion como cu e ta un fenomeno natural y e organismo aki no tin niun efecto riba salud di hende. Tampoco e tin mucho impacto negativo riba e producto turistico cu Aruba ta brinda, Directie Natuur en Milieu a duna di conoce.

Ta recomenda pa landa caminda no tin e yerba. No ta un opcion pa haci limpi si no tin un anuncio publico door di Bureau Rampenbestrijding (BRA).

Den e caso cu tin areanan di costa Zuid unda tin beachnan publico y ‘sargassum’ a yega un cantidad di 3 cm halto, por haci un melding via DNM of BRA.

- Advertisement -

DUNA COMENTARIO

Please enter your comment!
Please enter your name here