Home General Hulanda ta pone rekesitonan mas estricto di boroto esnan cu ta pone...

Hulanda ta pone rekesitonan mas estricto di boroto esnan cu ta pone compressor di airco pafo di cas

262
0
SHARE
- Advertisement -

ORANJESTAD (AAN): Un informacion emiti Diaranzon mainta pa Ministro Hulandes di Asuntonan Interior, a mustra cu na Hulanda esnan cu ta pone unidadnan di Heater of Airco pafo di nan cas, dentro di poco no mag di produci mas di 40 dB (decibel) di boroto cerca e bisiñanan.

Esaki ta un di e diferente cambionan di e decision di construccion cu e Ministerio a manda Diaranzon pa Tweede Kamer.  Mas y mas hende na Hulanda ta pone unidad pafo di Heater (Warmtepompen) y Airco pafo, y e cambionan den ley aki kier evita molester di sonido pa e bario.

Ta bay tin tambe reglamentonan mas estricto pa uso di PUR-Foam pa asina proteha salud di e habitantenan.  Habitantenan di cas no mag di ta den e hogar ora cu ta instala e material di isolacion aki.  E area di trabao tambe ora cu ta isolando, tin di wordo ventila.

DECRETO DI 2012:

Un edificio no por presenta ningun peligro pa e habitantenan, e usuarionan, y e medio ambiente.  Esey ta e motibo pakico Gobierno a bin cu reglamentonan pa seguridad, salud, facilidad di uso, eficiencia di energia, y medio ambiente den e Decreto di Construccion di 2012.

Un structura simple semper mester cumpli cu e Bouwbesluit aki.  E cambionan di awor cu Ministro ta propone, ta referi na reglamentonan nobo of modifica y ta centraliza principalmente pa aumenta seguridad y salud.

Ta ser spera cu e leynan nobo aki lo drenta na vigor dia 1 di Januari 2020.

- Advertisement -

DUNA COMENTARIO

Please enter your comment!
Please enter your name here