Home Cultura Invitado special di India na evento special awe riba Dia Mundial di...

Invitado special di India na evento special awe riba Dia Mundial di Diversidad Cultural, pa Dialogo y Desaroyo

78
0
SHARE
- Advertisement -

ORANJESTAD (AAN): Awe Dialuna 20 di Mei rond mundo ta celebra e asina yama Dia Mundial di Diversidad Cultural.  Y Aruba tambe ta pone spotlight riba e fecha aki, segun Mirto Lacle a declara recien durante un conferencia di prensa.

Aruba lo haci esaki den forma di dialogo y desaroyo y ta bay tin un programa basta interesante na Biblioteca Nacional, hunto cu Departamento di Cultura y Mirto Lacle.

Un invitacion ta bay na pueblo pa awe Dialuna 20 di Mei acudi na Biblioteca Nacional for di 7:00 pm te cu 9:00 pm, pa un actividad. Entrada ta totalmente gratis, pero espacio ta limita. E ta un anochi dividi den tres parti, cu ta relevante y bunita pa Aruba demostra kico di berdad ta diversidad cultural.

Awenochi lo tin Geshe-la Chamba procedente di India, cu lo duna e charla “Compassion and Sharing”.  Esaki ta pa yuda hende compronde con ta biba den harmonia cu otro.  Geshe-la Chamba ta conoci como un persona cu ta trece mensahenan dilanti di Dharma.

Pa loke ta trata e huesped special, Geshe-la Chamba, un palabra di gratitud na Hans Timbner hunto cu su casa Rita, pa di dos biaha ta haci posibel cu un huesped di exterior, lo ta na Aruba pa comparti pasion, compasion y loke ta haci, pa haci e bida mas harmonioso y bunita na pais Aruba.

  TRES PARTI:

Segun Mirto Lacle, e programa di awe lo ta consisti di tres parti. E prome ta e charla di Geshe-la Chamba cu ta den cuadro di e dia mundial aki proclama pa Unesco.

Despues ta bin e di dos parti, cual ta Hans Timbner, e persona responsabel pa trece e persona aki for di India. Den e cuadro aki Hans lo laga efectua un apertura tambe di un exposicion relaciona na e tema eynan.

Di tres parti, lo tin pa mustra y demostra Aruba con un pais chikito, manera nos, a sa di ricibi personanan di exterior, cu a emigra bin aki, treciendo cu nan  diferente cultura (cultura diverso) y con nan a nan adapta, pero alavez adopta loke ta di Aruba y comparti loke ta di nan.

Ta pesey den e cuadro aki, riba e fecha di awe, nan kier mustra tambe un hubentud emergente cu tin, yena cu talento y pa demostra na publico via di medium di triologia di musica, canto y baile, etc.  Aki ta referi na Priscilla Quandt, kende recientemente a keda honra y nombra pa tur e hazañanan cu el a haci.  Tambe a menciona Amanda Perla Britten.

Riba schedule tin tambe presentacion di Grupo Melodia, cu algun cancion relaciona cu canticanan di mucha, mustrando kico tin den e buki di “RELUCI, Chispa Musical” skirbi pa Jenny Boezem.
Na final di e actividad, lo tin reconocemento na persona-, baluarte-, y heroenan, pues hendenan cu a haci nan mes util na  comunidad.

- Advertisement -

DUNA COMENTARIO

Please enter your comment!
Please enter your name here