Home General Jury Bracho ta yama pueblo pa un manifestacion contra abuso di mucha

Jury Bracho ta yama pueblo pa un manifestacion contra abuso di mucha

19
0
SHARE
- Advertisement -

Diabierna awor 17 di Mei:

ORANJESTAD (AAN) – Den un conferencia di prensa, Jury Bracho a informa cu e ta organizando un manifestacion pa dia 17 di Mei awor, tocante abuso di mucha.

Bracho a expresa cu e ta invita henter pueblo di Aruba pa acompañe na Linear Park, for di unda e manifestacion ta sali pa 4 or di atardi te 7 or di anochi.

El a agradici FTA y prensa pa su sosten den e lucha aki, y a subraya cu no ta trata aki di nada cu tin di haber cu color politico, pero di un lucha pa tur yiu. E ta haya cu mester bin cambio riba e secrecia medico y den instancianan pa por hisa e castigo pa e pedofielnan.

Mester brinda mas ayudo pa nos muchanan, unda cu e abusador no ta haya solamente seis luna, of un of dos aña cera y despues ta haya libertad bek.

E ta kere cu mester saca e hendenan aki via un website pa nan wordo identifica, pasobra ora nan haci daño na un mucha, e victima aki ta keda marca pa semper, pues no solamente e momento di e hecho so.

Jury ta haya cu e abusadornan mester wordo marca na aeropuerto, y ora nan wordo deteni, publica nan cara pa tur hende sa ken nan ta.

Sra. Bracho a subraya cu si e ta haya cu locual e ta haciendo awo no tin resultado e lo sigui e tempo cu ta necesario te cu e sinti cu e meta a logra.

- Advertisement -

DUNA COMENTARIO

Please enter your comment!
Please enter your name here